تاجروں کے رہنماء میاں میر نے تاجروں کا پیغام حکومت تک پہنچاتے ہوئے کہا ہے کہ کراچی میں مارکیٹ کے اوقات کار کو مزید بڑھاتا جائے۔

تفصیلات کے مطابق عتیق میر اور دیگر تاجروں کی جانب سے یہ مطالبہ کیا گیا ہے کہ دکانیں کھولنے کے لئے دیئے گئے وقت میں اضافہ کیا جائے کیونکہ یہ 4 گھنٹوں کا وقت کم ہے ۔

تاجروں کا کہنا تھا کہ ہم نے جو بھی بات کی ہے وہ انفرادی بات نہیں کی ہے،تمام تاجروں کا یہی موقف ہے اور ان کا کہنا ہے کہ 4 بجے کا وقت بہت کم ہے۔

انہوں نے کہا کہ کم وقت کی وجہ سے بازاروں میں زیادہ رش ہوجاتا ہے اس لئے مارکیٹ کے اوقات کار کو بڑھایا جائے 12 بجے یا اسے زیادہ کا وقت دیا جائے کیونکہ کاروباری افراد کیلئے 4 بجے کا وقت بہت کم ہے۔

انہون نے مزید مطالبہ کیا ہے کہ عید شاپنگ کیلئے دیر تک کاروبار کی اجازت دی جائے اور کہا ہے کہ یہ کوئی غلط مطالبات نہیں ہیں کیونکہ اس سے عوام سکون سے شاپنگ کریں گے اور ایس او پیز پر بھی عمل ہوگا۔

خیال رہے کہ کراچی میں ضلعی انتظامیہ اور تاجروں کے درمیان روابط کو بہتر بنانے کے لئے تمام بڑی مارکیٹوں کے باہر کیمپ قائم کردئیے گئے ہیں۔

ضلعی انتظامیہ، پولیس افسران اور تاجروں کے نمائندے کیمپ قائم کئے گئے جن کیمپس میں موجود رہ کر ایس او پیز پر عمل درآمد کو یقینی بنائیں گے، اس کے متعلق  ضلعی انتظامیہ کا کہنا ہے کہ تمام دکاندار ماسک کا لازمی استعمال کریں گے۔

مارکیٹ میں بچوں کا داخلہ منع ہے،، بزرگ شہری بھی بھی مارکیٹ آنے کی زحمت نہ کریں۔ تمام دکانیں اور مارکیٹیں مقررہ وقت تک کھولی جائیں گی۔ مقررہ وقت کی خلاف ورزی پر کاروائی کی جائے گی، مقررہ وقت کی خلاف ورزی کرنے والوں کا کاروبار سیل اور جرمانے عائد کئے جائیں گے۔

چوبیس گھنٹوں میں کورونا کے مزید 1974 کیسز رپورٹ

دوسری جانب تاجر رہنمائوں نے چاند رات تک مسلسل کاروبار کا اعلان کررکھا ہے۔ تاہم کاروبار کا وقت بڑھانے یا نہ بڑھانے کا حتمی فیصلہ وزیراعلی سندھ کریں گے۔