ملک بھرمیں فی تولہ سونے کی قیمت میں 300 روپے ہوشربا اضافہ ہوگیا ہے۔

تفصیلات کے مطابق چئیرمین جیولرز ایسوسی ایشن محمد ارشد نے اپنے ایک بیان میں کہا کہ پاکستان میں سونے کی قیمت میں ہوشربا اضافہ کے بعد فی تولہ 300 روپے مہنگا ہوکر 95 ہزار روپے کا ہوگیا جبکہ دس گرام سونا 257 روپے اضافے سے 81 ہزار 447 روپے کا ہوگیا ہے۔

چئیرمین جیولرز ایسوسی ایشن محمد ارشد نے مزید کہا کہ عالمی مارکیٹ میں فی اونس سونا گزشتہ روز 4 ڈالر مہنگا ہوا تھا تاہم آج ایک بار پھر نرخ 7 ڈالر کمی سے 1695 ڈالر پر آگئے۔

واضح رہے اس سے قبل بھی  قیمتوں میں اضا فے کے بعد ایک بار پھر سونا سستہ ہوگیا تھا،  کمی کے بعد ملک بھرمیں فی تولہ سونے کی قیمت میں 200 روپے کمی ہوگئی تھی۔

چئیرمین جیولرز ایسوسی ایشن محمد ارشد نے اپنے ایک بیان میں کہا  تھا کہ پاکستان میں سونے  کی فی تولہ قیمت میں 200 روپے کی کمی کے بعد  84300 روپے ہوگئی جبکہ 10گرام سونے کی  قیمت 171 روپے کی کمی کے بعد 72273 روپے ہوگئی تھی۔

سونے کی قیمت میں حیران کن اضافہ

   چئیرمین جیولرز ایسوسی ایشن محمد ارشد نے مزید کہا  تھا کہ عالمی مارکیٹ میں سونا 04ڈالر اضافہ کے بعد  1467 ڈالر فی اونس کی سطح پر پہنچ گیا تھا  جبکہ مقامی  مارکیٹ میں چاندی کی قیمت  1010 روپے فی تولہ پر مستحکم رہی تھی۔

دوسری جانب ذرائع کا یہ بھی کہنا تھا کہ انٹر بینک میں ڈالر کی قدر میں 1 پیسے کی کمی ہو گئی تھی، اوپن مارکیٹ میں ڈالر 10 پیسے سستا ہوگیا جبکہ اوپن مارکیٹ میں ڈالر 155.60 سے کم ہوکر 155.50 روپے کا ہوگیا تھا۔

  علاوہ ازیں ذرائع کا مزید کہنا تھا کہ انٹر بینک میں ڈالر 6 پیسے سستا جبکہ اوپن مارکیٹ میں امریکی کرنسی کی قدر 20 پیسے بڑھ گئی تھی جبکہ کہ2019 کے آغاز میں بھی ڈالر کی قیمت میں روپے کے مقابلے میں پیش رفت جاری رہی تھی۔