لاہور کی تمام مارکیٹیں بند کرانے کے لئے پولیس کی بھاری نفری پہنچ گئی۔

پولیس کا کہنا ہےے کہ پنجاب حکومت نے مارکیٹیں اور بازار کھولنے کی واضح پالیسی نہیں دی گئی۔

لاہور کی تمام مارکیٹیں بند کرانے پر پولیس اور تاجروں کے مابین تصادم کا خدشہ ظاہر کیا جارہا ہے جبکہ تاجر ہو صورت دکانیں کھولنے پر تلے ہوئے ہیں۔

تاجروں کہنا ہے کہ حفاظتی اقدامات پر عمل کریں گے۔

دوسری جانب ہال روڈ، مال روڈ، انارکلی، اردو بازار، شاہ عالمی، برانڈرتھ سمیت دیگر دکانوں پر تاجر پہنچ گئے۔

یاد رہے کہ لاک ڈاؤن کھولنے کے پلان کے تحت محلوں میں چھوٹی دکانوں اور مارکیٹوں کو کھولنے کی اجازت دی جائے گی اور سحری کے وقت دکانیں کھولنے کی اجازت ہو گی۔

کھانے پینے کی دکانیں اور میڈیکل سٹورز کے علاوہ تمام کاروبار ہفتے میں دو دن بند رکھنے کا اعلان کیا گیا ہے جبکہ نشاندہی کردہ ہسپتالوں کی او پی ڈیز کھولنے کا اعلان کر دیا ہے۔

ڈپٹی کمشنر اسلام آباد حمزہ شفقات کا کہنا ہے اسلام آباد کے ہفتہ وار بچت بازار کھلنے سے متعلق ابھی فیصلہ نہیں کیا لیکن اس بات کا قوی امکان ہے کہ یہ بچت بازار ابھی نہیں کھلیں گے۔

ڈپٹی کمشنر اسلام آباد حمزہ شفقات نے بی بی سی کی آسیہ انصر کو مزید بتایا کہ اسلام آباد میں مختلف مقامات پر متبادل دنوں میں لگنے والے بچت بازار کھلنا اس لیے مشکل ہیں کیونکہ وہاں عوام کی بہت بڑی تعداد اکھٹا ہوتی ہے اور موجودہ صورتحال میں ہم انسانی صحت کے معاملے پر کسی قسم کا رسک نہیں لے سکتے۔

ان کا کہنا تھا کہ عوامی نمائندوں اور ماہرین کی مشاورت جاری ہے اور ان کی رائے کو مد نظر رکھ کر ہی تمام فیصلے کیے جا رہے ہیں۔

اسلام آبادکی کون کون سی مارکیٹس اور دکانیں کھلنی ہیں اس سے متعلق سوال پر حمزہ شفقات نے کہا کہ یہ فیصلہ بھی اج رات تک کیا جائے گا جس کے بعد باقاعدہ نوٹیفکیشن جاری کیا جائے گا۔

اس میں وہ تمام ایس او پیز بھی بتا دیے جائیں گے، جس پر عمل کرنا لازم ہو گا۔ ان کے مطابق تمام فیصلے نیشنل کووآڈینیشن کمیٹی اور نیشنل کمانڈ اینڈ آپریشن سینٹر کے احکاماتِ کی روشنی میں کیے جائیں گے