وفاقی حکومت نے بجٹ 2020-21 کی تیاری پر کام شروع کردیا ہے اور وزیر اعظم عمران خان نے بھی معاشی ٹیم سے بجٹ پر بریفنگ مانگ لی ہے۔

ذرائع کے مطابق معاشی ٹیم رواں ہفتے وزیراعظم کو مجوزہ بجٹ 2020-21 پر بریفنگ دے گی جبکہ مشیر خزانہ وزیراعظم کو بجٹ پر بریفنگ دینگے اور پھر وزیراعظم سے مشاورت کے بعد بجٹ پر کام تیز کیا جائیگا۔

کورونا وائرس کی وجہ سے بجٹ میں عام آدمی اور انڈسٹری کو ریلیف دیئے جانے کا امکان ظاہر کیا جارہا ہے۔

یاد رہے کہ آج مشیر خزانہ عبدالحفیظ شیخ کی زیرصدارت اقتصادی رابطہ کمیٹی کا اجلاس آج ہوگا، اجلاس میں 15 نکاتی ایجنڈا پر غور ہوگا۔

رینالہ خورد اور گردو نواح میں بارش، فصلوں کو نقصان

ذرائع  کا کہنا ہے کہ پاور سیکٹر کے آڈٹ کی روشنی میں 100 ارب اور 200 ارب روپے کے اسلامی سکوک سہولت کے اجراء کا فیصل کیا جائے گا، اس ضمن میں اس مالی سہولت کے معیار کا بھی جائزہ لیا جائے گا۔
آج مطلوبہ اجلاس میں پاور ہولڈنگ لمیٹیڈ ایڈجسٹمنٹ کی مد میں خودمختار گارنٹی کیلئے 41 ارب روپے کی مالی سہولت پر بھی غور ہوگا جس کے مطابق رواں مالی سال حکومت کی جانب سے خریدی گئی گندم کی رپورٹ بھی پیش کی جائیگی۔

ذرائع کا کہنا ہے کہ اجلاس میں مالی سال 2020-21 کے لئے کپاس کی قیمت کا تعین کیا جائے گا اور غربت کے خاتمے کے لئے 1کروڑ 21 لاکھ روپے سے زائد کی ضمنی گرانٹ کی منظوری کا امکان بھی ہے۔

کنٹرولر جنرل آف اکائونٹس کے لئے 30 کروڑ 66 لاکھ روپے کے اضافی فنڈز کی منظوری کا امکان، سینیئر پرائیویٹ سیکرٹری رئیس انور عباسی کے خاندان کے لئے 1 کروڑ 47 لاکھ روپے سے زائد کی ضمنی گرانٹ کی منظوری کا امکان، اجلاس میں سپیشل ایجوکیشن، اسکول کے لئے فنڈز مختص کرنے کی منظوری کا امکان اور سپیشل ٹیلی کام مانیٹرنگ منصوبے کے لئے فنڈز کی فراہمی کا امکان بھی ظاہر کیا گیا ہے۔