ایس او پی کی خلاف ورزی کرنےوالوں کے متعلق سندھ  حکومت نے رپورٹ طلب کرلی ۔

تفصیلات کے مطابق محکمہ داخلہ سندھ نےآئی جی سندھ پولیس اور کمشنرز سے رپورٹ طلب کرتے ہوئے کہا کہ کورونا ایس او پیز کی خلاف وزری کرنے والوں کے خلاف ایکشن پر پولیس اورڈسٹرکٹ ایڈمنسٹریشن رپورٹ دیں۔

ایس او  پیز کی خلاف وزری کرنے والی فیکٹریز ، ملز ، اسٹورز اور وئیر ہاؤسز پیداواری یونٹس نجی  دفاتر اور دکانوں کا ریکار بھی طلب ہے۔

 محکمہ داخلہ سندھ کا کہنا ہے کہ پیداواری یونٹس، نجی دفاتر اور دکانوں کا ریکاڈ بھی فراہم کیا جائےجبکہ ایس او پی کی خلاف ورزی پر عائد جرمانوں  اور کارروائی سے متعلق ایس ایس پیز اور ڈی سیز رپورٹ ارسال کریں۔

محکمہ داخلہ سندھ نے کمشنرز اور ڈپٹی کمشنرز کو ہدایات جاری کرتے ہوئےکورونا پر قابو کیلئے یکم جون کےحکم کے مطابق ایس او پیز پر عملدرآمد یقینی بنانے کا کہا ہے۔

ایس او پی کی خلاف ورزی،کراچی کی متعدد مارکیٹیں سیل

واضح رہے اس سے قبل وزیراعظم عمران خان کی زیرصدارت لاک ڈاؤن سے متعلق فیصلوں کے لیے قومی رابطہ کمیٹی کا اجلاس وزیراعظم ہاؤس  میں ہوا۔

قومی رابطہ کمیٹی کے اجلاس کے بعد قوم سے خطاب کرتے ہوئے وزیر اعظم عمران خان نے ملک میں ہفتہ اور اتوار کو مکمل لاک ڈاؤن کا اعلان کیا۔

وزیر اعظم نے کہا تھا کہ ابتداء میں 26 کیسز پر ہم نے لاک ڈاؤن کیا تھا۔  لاک ڈاؤن کا مقصد احتیاط اور علاج ہے۔مختلف ممالک میں لاک ڈاؤن کے مختلف اثرات موصول ہورہے ہیں۔

عمران خان نے کہا تھا کہ پاکستان میں زیادہ تر لوگوں کا تعلق غریب طبقے سے ہے  تاہم 18 ویں ترمیم کی وجہ سے لاک ڈاؤن کا فیصلہ صوبوں نے خود کیا۔18 ویں ترمیم کے بعد صوبے بااختیار ہیں۔