سندھ کا ترقیاتی بجٹ آئندہ مالی سال میں کم ہونے کا امکان ہے ، رواں سال کےمقابلے میں ترقیاتی بجٹ،اسکیمزکم ہوں گی۔

تفصیلات کے مطابق مالی سال 21-2020کے لیے صوبائی بجٹ تیاریوں کا آغاز کردیا اور مختلف محکموں نے ترقیاتی،غیرترقیاتی مصارف کی تفصیلات ارسال کردیں۔

سندھ میں تنخواہوں اور پنشن میں 10فیصد اضافے کی تجویز دی گئی ہے جبکہ سندھ کے بجٹ میں صحت، بلدیات، تعلیم اور غربت میں کمی ترجیح ہوگی۔

سندھ کاآئندہ مالی سال کیلئے بجٹ17جون تک پیش کئےجانےکاامکان ہے ، جس میں محکمہ صحت کےغیرترقیاتی بجٹ میں 15فیصد اضافے کی تجویز دی ہے۔

رواں مالی سال میں سندھ کےبیشترمنصوبےفنڈزنہ ملنےکےسبب مکمل نہ ہوئے 2020-21 میں نامکمل منصوبوں کی تکمیل کیلئےترجیحی بنیاد پر فنڈز مختص ہوں گے۔

ملازمین کی تنخواہیں بڑھانےپر وزارت خزانہ کے آئی ایم ایف سے آج مذاکرات متوقع

زرعی شعبے کے لیےسندھ کےبجٹ میں مراعاتی پیکج کی تجویز دی گئی ہے آئندہ مالی سال کیلئےسندھ حکومت بجٹ تجاویزپرحتمی فیصلےآئندہ ہفتے تک ہوں گے جبکہ محکمہ جاتی ترقیاتی وغیرترقیاتی مصارف پر غور کے لیے الگ الگ اجلاس ہوں گے۔

دوسری جانب بجٹ 2020-21 میں سرکاری ملازمین کی تنخواہوں میں اضافہ کا معاملہ،ملازمین کی تنخواہیں بڑھانے کا فیصلہ  آئی ایم ایف کے ہاتھ میں ہے۔

ذرائع  کے مطابق آئی ایم ایف کے ساتھ وزارت خزانہ کے مذاکرات آج شام متوقع ہیں۔

ذرائع کا کہناہے کہ وزارت خزانہ گریڈ 1 سے 18 تک کے ملازمین کی تنخواہوں میں 10 فیصد اضافے کی درخواست کرے گی۔