وزیر منصوبہ بندی اسد عمر نے وزارت توانائی کو ہدایت کی ہے کہ وہ کراچی کی مستقبل میں بجلی کی ضروریات کے سلسلے میں کے الیکٹرک سے باقاعدہ رابطہ میں رہیں او اس بات کو یقینی بنائیں کہ آئندہ ایسی صورتحال پیدا نہ ہو۔
تفصیلات کے مطابق وزیر منصوبہ بندی اسد عمر کی زیر صدارت کابینہ کمیٹی برائے توانائی کا اجلاس ہوا جس میں کراچی کی عوام کیلئے بجلی کی قلت دور کرنے، بجلی کی طلب و رسد کی صورتحال اور اس کے اقدامات کا جائزہ لیا گیا۔
اجلاس کے دوران اسد عمر نے کہا ہے کہ کراچی کو بجلی کی فراہمی کے سلسلے میں مختلف اسٹیک ہولڈرز کے کردار اور ذمہ داریاں ہر ایک پر واضح ہونی چاہئیں۔
دوران اجلاس اسد عمر نے فیول سپلائی چین سے متعلق اس کی وجوہات جاننے کے لیے شہزاد قاسم کی زیر نگرانی ایک کمیٹی تشکیل دینے کا فیصلہ کیا ہے۔
وزارت منصوبہ بندی کے مطابق اجلاس میں کراچی الیکٹرک کے سی ای او نے بجلی کی قلت پر قابو پانے کیلئےکمپنی کی جانب سے اٹھائے جانے والے اقدامات کی وضاحت کی۔
Advertisement
وزارت کا کہنا ہے کہ کراچی الیکٹرک کو ہر ممکن مدد فراہم کی جارہی ہے تاکہ کراچی کی عوام کو بجلی کی مناسب فراہمی یقینی بنا سکیں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
