حکومت کی جانب سے گیس سستی کرنے کی اوگرا سفارشات مسترد کردیں گئیں ہیں۔

تفصیلات کے مطابق حکومت نے گیس سستی کرنے کی اوگرا سفارشات مسترد کردیں ہیں علاوہ ازیں حکومت کا گیس نرخوں میں کمی کا ریلیف عوام کو منتقل کرنے سے بھی انکار کردیا گیا ہے۔

اس ضمن میں ذرائع کا کہنا ہے کہ پیٹرولیم ڈویژن نے گیس کی موجودہ قیمتیں برقرار رکھنے کی ایڈوائس اوگرا کو بھجوادی گئیں ہیں۔

مزید پڑھیں

پیٹرولیم مصنوعات کی قیمتیں 15 روز کیلئے مقرر کرنے کا فیصلہ

پٹرول سے متعلق انتہائی اہم خبر سامنے آگئی جس کے تحت یکم...

یاد رہے کہ اوگرا نے گذشتہ ماہ گیس سستی کرنے کا فیصلہ وفاقی حکومت کو بھجوایا تھا جبکہ اوگرا نے سوئی نادرن کیلئے گیس 6 فیصد سستی کرنے کی سفارش کی تھی۔

قبل ازیں اوگرا نے سوئی سدرن کیلئے گیس 2 فیصد سستی کرنے کی سفارش کی تھی جبکہ اوگرا نے فیصلہ مںظوری کیلئے وفاقی حکومت کو بھجوا دیا تھا۔

دوسری جانب پیٹرول سے متعلق انتہائی اہم خبر سامنے آگئی جس کے تحت یکم ستمبر سے پیٹرولیم مصنوعات کی قیمتیں 15 روز کیلئے مقرر کرنے کا فیصلہ کر لیا گیا ہے۔

پیٹرولیم مصنوعات کی قیمتیں 15 روز کیلئے مقرر کرنے کا فیصلہ کرتے ہوئے پیٹرولیم ڈویژن نے اوگرا,آئل کمپنیز ایڈوائزری کونسل کو گائیڈ لائنز جاری کردیں۔

پیٹرولیم ڈویژن کی جانب سے جاری کردہ دستاویز میں کہا گیا ہے کہ یکم ستمبر 2020 سے ہر 15 روز بعد قیمتوں کا تعین ہوگا جبکہ پیٹرول،ڈیزل کی قیمتوں کا تعین نئی پالیسی کے تحت کیا جائے گا۔

 دستاویز میں کہا گیا ہے کہ دیگر پیٹرولیم مصنوعات کی قیمتوں کا تعین موجودہ طریقہ کار کے تحت ہوگا جبکہ پیٹرول،ڈیزل کی قیمت کا تعین خام تیل کی 14 روز کی قیمت کی اوسط نکال کر کیا جائے گا۔