کراچی:عدالتی احکامات کے بعد بھی شہر قائد میں بجلی کی لوڈ شیڈنگ کا سلسلہ مستقل طور پر جاری ہے۔

تفصیلات کے مطابق کراچی شہر میں عدالت کے لوڈ شیڈنگ نہ کرنے کے احکامات کے باوجود بھی شہر میں کے الیکٹرک کی جانب سے مستثنی علاقوں میں ایک گھنٹے کی تین بار لوڈ شیڈنگ شروع کردی گئی ہے۔

کے الیکٹرک نے شہر میں لوڈ شیڈنگ والے علاقوں می لوڈ شیڈنگ کا دورانیہ بڑھا دیا ہے جس کے بعد شہر کے لوڈ شیڈنگ سے مستثنیٰ علاقوں میں بھی ایک سے تین گھنٹوں کے لیے بجلی بند کی جارہی ہے۔

اس سے متعلق ذرائع کا کہنا ہے کہ لوڈ شیڈنگ والے علاقوں میں بجلی بندش کا دورانیہ بڑھ کر دس گھنٹے ہو گیا ہے جبکہ کلفٹن، ڈیفنس، ایف بی ایریا، پی آی سی ایچ ایس، گلشن اقبال، نارتھ ناظم آباد کے مختلف حصوں میں غیر اعلانیہ لوڈ شیڈنگ کی جا رہی ہے۔

مزید پڑھیں

کراچی میں کے الیکٹرک کی من مانیاں، وزیراعظم کا نوٹس

ایک جانب بارشیں اور دوسری جانب کراچی میں کے الیکٹرک کی من...

اس ضمن میں ذرائع کے الیکٹرک کا کہا ہے کہ کے الیکٹرک کو نیشنل گرڈ اور آئی پی پیز سے بھی مکمل بجلی مل رہی ہے، پی ایس او سے فرنس آئل اور ایس ایس جی سی سے پوری گیس مل رہی ہے جس کے بعد گیس اور فرنس آئل کی بھی کوئی قلت نہیں ہے

یاد رہے کہ چیف جسٹس آف پاکستان نے کے الیکٹرک کو حکم دیا تھا کہ شہر میں ایک لمحے کے لیئے بھی بجلی بند نہیں کی جائے اور چیف جسٹس آف پاکستان نے چیئرمین نیپرا کو ہدایت دی تھی کہ وہ مانیٹرنگ کریں کہ کے الیکٹرک بجلی بند تو نہیں کر رہی ہے۔

تیل گیس پورا، نیشنل گرڈ سے سات سو میگاواٹ تک بجلی کے باوجود چیف جسٹس آف پاکستان کی ہدایت کے بعد بھی لوڈ شیڈنگ مکمل کی جا رہی ہے۔