وفاقی وزیر اسد عمر کی جانب سے کے الیکٹرک کو  حکومتی تحویل میں لینے کا عندیہ  دے دیا گیا ہے۔

تفصیلات کے مطابق وفاقی وزیر اسد عمر کی جانب سے میڈیا سے گفتگو میں کہا گیا ہے کہ اب سنجیدگی سے دیکھ رہے ہیں کہ کے الیکڑک کے معاملات موجودہ کے الیکڑک انتظامیہ کے پاس رہنی ہے کہ نہیں۔

وفاقی وزیر نے کہا ہے کہ تمام ہی لوگ باہمی مشترکہ ذمہ داری کے ساتھ کام کریں گے تو نتائج ملیں گے اور جو مسائل پر پہلے اعلانات ہوتے رہے ہیں وہ اسلئے حل نہیں ہوئے ہیں کیونکہ کہ باہمی رابطوں میں فقدان ہیں۔

اسد عمر نے کہا ہے کہوزیراعلی سندھ سے بھی میری فون پر بات ہوئی ہے جس میں کراچی اور دیگر معاملات پر بات چیت ہوئی کے الیکڑک حکام سے سپریم کورٹ نے جو سوالات اٹھائے تھے ان پر معاملات پر بھی  بات چیت ہوئی، اب جو بہتری کی طرف معاملات ہوں اسکے لئے کام کررہے ہیں۔

دوسری جانب نیپرا نے بھی کراچی میں بجلی کی فراہمی کیلئے لائسنس کے الیکٹرک کے علاوہ کسی اور کمپنی کو دینے کا عندیہ دے دیا ہے۔

نیپرا کا کہنا ہے کہ کے الیکٹرک نے ڈسٹری بیوشن سسٹم میں توسیع کی اور نہ ا سے اپ گریڈ کیا ۔

اس ضمن میں نیپرا کی جانب سے کےالیکٹرک کے بجلی ڈسٹری بیوشن لائسنس میں تبدیلی کیلئے عوام سے رائے طلب کرلی گئی ہے۔

نپرا کی جانب سے عوامی رائے نیپرا کی ویب سائٹ پر مانگی گئی ہے۔