پاکستان میں مہنگائی کا جن ایک مرتبہ پھر بے قابو ہوگیا ہے جس کی نسبت مسلسل چار ہفتوں سے مہنگائی میں اضافہ جاری ہے۔
تفصیلات کے مطابق ادارہ شماریات کی جانب سے مہنگائی کے تازہ ترین اعدادوشمار جاری کر دیئے گئے ہیں۔
ادارہ شماریات کے مطابق رواں ہفتے مہنگائی کی شرح میں 0.71 فیصد اضافہ ریکارڈ کیا گیا ہے جس کے بعد ملک میں مجموعی طور پر مہنگائی کی شرح 9.43فیصد تک پہنچ گئی ہے۔
جاری کردہ اعداد و شمار کے مطابق گزشتہ ہفتے 24 اشیاء ضروریہ کی قیمتوں میں اضافہ ہوا ہے جبکہ 3 اشیاء ضروریہ کی قیمتوں میں کمی اور 24 اشیاء کی قیمتیں مستحکم رہی ہیں۔
دوسری جانب ستمبر 2020ء کے دوران مہنگائی میں 1.54 فیصد اضافہ ریکارڈ کیا گیا ہے جبکہ ستمبر 2020ء میں ستمبر 2019ء کے مقابلے میں مہنگائی کی شرح 9.04 فیصد رہی تھی اور ماہ جولائی تا ستمبر 2020ء میں گذشتہ سال کی پہلی سہ ماہی کی نسبت مہنگائی کی شرح 8.85 فیصد رہی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News