حکومت کی جانب سے گندم کی امدادی قیمت 1650روپے فی من مقرر کردی گئی ہے۔
تفصیلات کے مطابق اقتصادی رابطہ کمیٹی کے اجلاس میں گندم کے حوالے سے اہم فیصلے کئے گئے ہیں جملک بھر میں آٹے کی قیمتیں کم کروانے کیلئے ضروری اقدامات کرنے کا فیصلہ کیا گیا ہے۔
گندم کے حوالے ای سی سی اجلاس کا اعلامیہ بھی جاری کردیا گیا ہے جس کے مطابق گندم کی امدادی قیمت 1650روپے فی من مقرر جبکہ 1475 روپے فی 40 کلو گرام کی ریلیز پرائس برقرار رکھنے کا فیصلہ بھی کیا گیا ہے۔
اعلامیہ میں بتایا گیا ہے کہ فلور ملز کے لیے یومیہ 38ہزار میٹرک ٹن گندم جاری کرنے کی منظوری دی گئی ہے جس میں سے 25 ہزار میٹرک ٹن پنجاب، 8 ہزار میٹرک ٹن سندھ ،4 ہزار میٹرک ٹن کے پی کے اور ایک ہزار میٹرک ٹن بلوچستان کی فلور ملز کو جاری کی جائے گی۔
ای سی سی نے پنجاب کو 7لاکھ میٹرک ٹن اضافی گندم دینے کی بھی منظوری دیدی جبکہ 4لاکھ میٹرک ٹن گندم ٹریڈرنگ کارپوریشن آف پاکستان کی جانب سے پنجاب کیلئے درآمد کی جائےگی۔
اجلاس میں ای سی سی کے گندم کی سپلائی، قیمت میں استحکام اور طلب کے حوالے سے اہم فیصلے کرتے ہوئے مشیر خزانہ کی سربراہی میں گندم کی ترسیل اور فراہمی کیلئے کوآرڈی نیشن کمیٹی تشکیل دے دی گئی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News