پیٹرولیم مصنوعات کی قیمتوں میں اضافہ کردیا گیا۔

تفصیلات کے مطابق وزیر اعظم عمران خان نے پیٹرولیم مصنوعات کی قیمتوں میں اضافے کی منطوری دے دی ہے۔

پیٹرول  کی قیمت میں 3 روپے 20 پیسے اور ہائی اسپیڈ ڈیزل  کی قیمت میں 2 روپے 95 پیسے کا اضافہ کیا گیا ہے۔

یاد رہے کہ گذشتہ روز میڈیا ذرائع سے یہ خبریں گردش کر رہی تھیں کہ اوگرا کی جانب سے  پیٹرولیم مصنوعات کی قیمتوں میں اضافے کی سمری پیٹرولیم ڈویژن کو ارسال کی گئی تھی۔

ذرائع کا کہنا تھا کہ پیٹرول کی قیمت میں 11 روپے 95 پیسے فی لیٹر تک اضافے کا امکان ہے جبکہ ہائی اسپیڈ ڈیزل کی قیمت میں 9 روپے 57 پیسے فی لیٹر تک اضافے کی تجویز  دی گئی ہے۔

دوسری جانب ترجمان اوگرا کی جانب سے  ایسی کوئی سمری ارسال کرنے کی تردید کی  گئی تھی۔