منی لانڈرنگ کی روک تھام کے لئے ایف بی آر کی جانب سے جیولری کی خریدوفروخت کا ریکارڈ 5 سال تک رکھنا لازمی قرار دیا گیا ہے۔
ایف بی آر ذرائع کا کہنا ہے کہ قیمتی پتھروں اور دھاتوں کا کاروبار کرنے والوں کیلئے نئی گائیڈ لائنز جاری کردیں گئیں ہیں۔
جاری کردہ گائیڈ لائنز کے مطابق بیس لاکھ روپے سے زائد کی جیولری خریدنے اور بیچنے کا ریکارڈ پانچ سال تک رکھنا ہوگا تاہم ریکارڈ نہ رکھنے والوں کے خلاف انسداد منی لانڈرنگ اور تخریبی فنانسنگ کے قانون کے تحت کارروائی ہوگی۔
ذرائع کے مطابق بیس لاکھ روپے سے کم کی جیولری خریدنے یا فروخت کرنے والوں پر قانون لاگو نہیں ہوگا۔
ذرائع کا کہنا ہے کہ اس قانون کا مقصد قیمتی پتھروں اور دھاتوں کے کاروبار سے ہونے والی منی لانڈرنگ کو روکنا ہے تاہم فنانشل ایکشن ٹاسک فورس کی شرائط پر عملدرآمد کیلئے ایف بی آر کی جانب سے یہ قدم اٹھایا گیا ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
