ایف اے ٹی ایف کی ایک اور شرط پوری، ساڑھے سات ہزار کا انعامی بانڈ ختم کرنے کا فیصلہ

تنویر علی

29th Apr, 2021. 10:28 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ایف اے ٹی ایف کی ایک اور شرط پوری، ساڑھے سات ہزار کا انعامی بانڈ ختم کرنے کا فیصلہ

ایف اے ٹی ایف کی ایک اور شرط پوری، ساڑھے سات ہزار کا انعامی بانڈ ختم کرنے کا فیصلہ کرلیا گیا ہے۔

وزارت خزانہ کی جانب سے جاری کردہ نوٹی فکیشن کے مطابق یکم جنوری 2022 سے ساڑھے سات ہزار کا انعامی بانڈ ردی کاغذ ہوگا جبکہ اس سال 31 دسمبر تک ساڑھے سات ہزار کا بانڈ کیش کروایا جاسکتا ہے۔

نوٹی فکیشن کے مطابق ساڑھے سات ہزار روپے کا انعامی بانڈ فوری طور پر غیر فعال کردیا گیا ہے جبکہ یکم مئی کو اس بانڈ کی قرعہ اندازی بھی نہیں ہوگی۔

وزارت خزانہ کے مطابق بانڈ واپسی پر پیسے اکائونٹ میں منتقل ہوں گے۔

نوٹیفکیشن میں مزید بتایا گیا کہ حکومت بدعنوانی اور منی لانڈرنگ روکنے کے لیے 25 اور 40ہزار کے بانڈز پہلے ہی منسوخ کرچکی ہے۔

ذرائع کے مطابق حکومت نے15 ہزار روپے کا انعامی بانڈ بھی ختم کردیا ہے جبکہ صارفین کو30 جون تک بانڈ کیش کرانے کی ہدایت دی گئی ہے۔

وزارت خزانہ کے مطابق پندرہ ہزار کا انعامی بانڈ یکم جولائی سے ردی کا کاغذ سمجھا جائے گا جبکہ پندرہ ہزار والے بانڈکی قرعہ اندازی بھی نہیں ہوگی۔