حکومت ایک لیٹر پیٹرول پہ ٹیکس کی مد میں کتنے پیسے بٹور رہی ہے، اس سے متعلق بڑا دعویٰ سامنے آگیا ہے۔

سماجی رابطے کی ویب سائٹ ٹوئیٹر پر جاری پیغام میں پاکستان پیپلز پارٹی کی سینیٹر شیری رحمان نے دعویٰ کیا ہے کہ  خود کو ایماندار اور دوسروں کو چور کہنے والے حکمران پیٹرول پر 21 روپے فی لیٹر اور ڈیزل پر 28 روپے فی لیٹر حاصل کر رہے ہیں۔

انہوں  نے مزید کہا کہ تباہی سرکار  آئی ایم ایف کی شرائط پر لیوی کے ذریعے 250 سے 300 ارب  روپے حاصل کرنا چاہتی ہے۔

صرف پیٹرولیم لیوی کی محصولات کا ہدف 120 ارب کے رلیف پیکج سے بھی زیادہ ہے۔ آئی ایم ایف کا قرضہ حاصل کرنے کے لئے حکومت پیٹرول، بجلی اور گیس کے نرخوں میں مزید اضافہ کرے گی۔ ملک میں مزید بحران اور مہنگائی کی سونامی آئے گی۔ عوام کو رلیف تب ملے کا جب یہ نااہل حکومت گھر جائے گی۔ 2/2 pic.twitter.com/MrWre7npqs

Advertisement

— SenatorSherryRehman (@sherryrehman) November 6, 2021

شیری رحمان نے کہا کہ حکومت پیٹرولیم لیوی 10 روپے فی لیٹر لے رہی  ہے جو 15 روپے تک لے جائے گی ۔

ان کا کہنا تھا کہ صرف پیٹرولیم لیوی کی محصولات کا ہدف 120 ارب کے ریلیف پیکج سے بھی زیادہ ہے۔

انہوں نے کہا کہ آئی ایم ایف کا قرضہ حاصل کرنے کے لیے حکومت پیٹرول، بجلی اور گیس کے نرخوں میں مزید اضافہ کرے گی، ملک میں مزید بحران اور مہنگائی کا سونامی آئے گا۔