حکومتی اقدامات سے یوریا کی قیمت میں کمی آئی ہے، خسرو بختیار

ویب ڈیسک

13th Dec, 2021. 06:38 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

حکومتی اقدامات سے یوریا کی قیمت میں کمی آئی ہے، خسرو بختیار

وفاقی وزیر خسرو بختیار کا کہنا ہے کہ حکومتی بروقت اقدامات سے یوریا کی قیمت کم ہوکر 1800 روپے فی بوری پر آ گئی ہے۔

تفصیلات کے مطابق وفاقی وزیر خسرو بختیار کی زیر صدارت فرٹیلائرز ریویو کمیٹی کا ہفتہ وار اجلاس ہوا جس میں یوریا کی ماہانہ پیداوار اور ترسیل پر بریفنگ دی گئی۔

اجلاس کے دوران فرٹیلائزرانڈسٹری کی جانب سے رواں ماہ اپنے مینوفیکچرنگ پلانٹس پوری استعداد سے چلانے کی یقین دہانی کروائی گئی۔

بریفنگ میں بتایا گیا کہ دسمبر کے لیے یوریا کی طلب بھی ملکی پیداوار سے پوری ہو جائے گی۔

وفاقی وزیر نے کہا کہ حکومتی کسان دوست پالیسیوں کے نتیجے میں اس سال یوریا کی ریکارڈ ملکی پیداوار ہوئی ہے۔ حکومتی بروقت اقدامات سے یوریا کی قیمت 1800 روپے فی بوری پر آ گئی ہے۔

انہوں نے مزید کہا کہ یوریا کی فراہمی کو یقینی بنانے کے لیے مسلسل نگرانی کی جا رہی ہے، یوریا کی بروقت فراہمی سے نہ صرف کسان خوشخال ہو گا، بلکہ ملکی زرعی اجناس کی پیداوار میں بھی اضافہ ہو گا۔