ایف بی آر پراپرٹی ویلیوایشن، رہائشی علاقوں میں 8 تا 13 فیصد ریلیف کا امکان

ویب ڈیسک

31st Jan, 2022. 02:52 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ایف بی آر پراپرٹی ویلیوایشن، رہائشی علاقوں میں 8 تا 13 فیصد ریلیف کا امکان

ایف بی آر کی نئی پراپرٹی ویلیوایشن میں اکثریتی رہائشی علاقوں میں 8 تا 13 فیصد ریلیف ملنے کا امکان ہے۔

ذرائع کے مطابق فیڈرل بورڈ آف ریونیو (ایف بی آر) کی جانب سے ملک کے 38 شہروں کے لیے پراپرٹی کی نئی ویلیوایشن تیار کرلی گئی ہے۔

ذرائع کا کہنا ہے کہ ہر شہر کے کمرشل علاقوں کی ویلیوایشن میں 3 تا 7 فیصد ردو بدل کافیصلہ کیا گیا ہے جبکہ گزشتہ ویلیوایشن پر اعتراضات کے بعد صرف اکثریتی رہائشی علاقوں میں 8 تا 13 فیصد ریلیف ملنے کا امکان ہے۔

ذرائع کا مزید کہنا ہے کہ پوش علاقوں کے کمرشل ایریا زکی عمارتوں اور پلاٹوں کی ویلیو میں فرق 4 فیصد سے زیادہ نہیں ہوگا۔ پلاٹوں، گھروں ، کمرشل عمارتوں اور فلیٹوں کی نئی مارکیٹ ویلیو ہر شہر میں مختلف ہوگی۔

ذرائع کا کہنا ہے کہ برلب سڑک کمرشل عمارتوں اور پلاٹوں کی مارکیٹ ویلیو الگ سے تیار کی گئی ہے۔ لاہور، راولپنڈی، پشاور، کوئٹہ، فیصل آباد، ملتان، حیدرآباد اور مردان میں برلب سڑک پلاٹوں اور عمارتوں کی گزشہ ویلیو میں کوئی فرق نہیں رکھا گیا ہے۔

ذرائع کا کہنا ہے کہ ویلیوایشن کے لیے صوبائی لینڈ ریونیو محکموں سے بر لب سڑک ایریاز کی نئی نیوی گیشن لی گئی ہے۔

ایف بی آر رواں ہفتے مرحلہ وار نئی ویلیوایشن جاری کرے گا۔