کابینہ کی اقتصادی رابطہ کمیٹی (ای سی سی) کا آج ہونے والا اجلاس ملتوی ہوگیا۔
ذرائع وزارت خزانہ کا کہنا ہے کہ وزیر خزانہ کی کورونا رپورٹ مثبت آنے کے باعث اجلاس ملتوی کیا گیا ہے۔
ذرائع کا مزید کہنا ہے کہ وزیر خزانہ کی زیر صدارت ای سی سی نے 15 نکاتی ایجنڈے پر غور کرنا تھا۔
واضح رہے کہ اقتصادی رابطہ کمیٹی کے اجلاس میں افغانستان سے چلغوزے کی درآمد پر 45 فیصد ڈیوٹی ختم کرنے کا امکان تھا جس سے قیمتوں میں نمایاں کمی واقع ہوسکتی ہے۔
ای سی سی اجلاس میں فیڈرل بورڈ آف ریونیو (ایف بی آر) کے لیے 4 ارب روپے اور نئی مردم و گھر شماری کے لیے5 ارب روپے کی گرانٹ کی منظوری کا امکان تھا۔
Advertisement
مزیدپڑھیئے: ای سی سی اجلاس میں کئی اہم فیصلوں کی منظوری
ای سی سی اجلاس میں داسو ہائیڈرو منصوبے پر ہلاک ہونے والے چینی شہریوں کی فیملیز کے لیے معاوضے کا اعلان بھی متوقع تھا۔
اقتصادی رابطہ کمیٹی کی جانب سے ایف سی بلوچستان کے ہیلی کاپٹر کی مرمت کے لیے 6 کروڑ روپے کی منظوری متوقع تھی ۔
ای سی سی اجلاس میں کامیاب پاکستان پروگرام میں پیش رفت کا جائزہ لیا جانا تھا جبکہ ربی سیزن کے لیے یوریا کی ضروریات اور تمباکو کی کم از کم قیمت کا تعین بھی کرنا تھا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
