پی آئی اے کو منافع بخش ادارہ بنانے کیلئے پانچ سالہ ریکوری روڈ میپ پیش

ویب ڈیسک

01st Feb, 2022. 04:20 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پی آئی اے کو منافع بخش ادارہ بنانے کیلئے پانچ سالہ ریکوری روڈ میپ پیش

PIA announces 7 more flights to Saudia Arab from Pakistan

پاکستان انٹرنیشنل ایئر لائن(پی آئی اے) کو منافع بخش ادارہ بنانے کے لیے پانچ سالہ ریکوری روڈ میپ پیش کردیا گیا۔

تفصیلات کے مطابق وزیر خزانہ شوکت ترین کی زیر صدارت پی آئی اے کارپوریٹ بزنس پلان کے حوالے سے اہم اجلاس ہوا۔

اجلاس میں وفاقی وزیر ہوا بازی غلام سرور خان سمیت اعلیٰ حکام نے شرکت کی۔

آئی اے ٹی اے کے کنسلٹنٹ نے اجلاس کے شرکاء کو بریفنگ میں بتایا کہ پی آئی اے کارپوریٹ بزنس پلان 2022-26 پی آئی اے کی موجودہ صورتحال کے حوالے سے ہے۔

بریفنگ میں بتایا گیا کہ مارکیٹ کے اتار چڑھاؤ اور کارپوریٹ حکمت عملی بھی اس پلان کا حصہ ہے۔پاکستان میں ڈومیسٹک مارکیٹ سمیت بیرون ملک بسنے والے پاکستانیوں کو مدنظر رکھتے ہوئے پلان ترتیب دیا گیا ہے۔

وزیر خزانہ شوکت ترین نے کنسلٹنٹ کی خدمات کو سراہتے ہوئے کہا کہ پی آئی اے نیشنل فلیگ کیریئر ہے اور اسے عالمی معیار کے مطابق ڈھالنے کی ضرورت ہے۔

شوکت ترین کا کہنا تھا کہ پی آئی اے کی بحالی اور اسے منافع بخش ادارہ بنانے کے لیے پر عزم ہیں۔