مشیر تجارت عبدالرزاق داؤد نے کہا ہے کہ درآمدات کو کم کر رہے ہیں برآمدات بڑھا رہے ہیں۔

وزیراعظم کے مشیر برائے کامرس اینڈ انڈسٹری عبدالرزاق داؤنے پیٹروکیمیل سمپوزیم سے خطاب کرتے ہوئے کہا کہ پاکستان بلین ڈالرز کے موبائل فونز درآمد کرہا تھا، اب ہم موبائل فون پاکستان میں مینوفیکچر کررہے ہیں۔

عبدالرزاق داؤد نے کہا کہ ہر ماہ موبائل فون کی مینوفیکچرنگ بڑھ رہی ہے، ہماری آئی ٹی انڈسٹری میں 47 فیصد تک اضافہ ہوا ہے۔

عبدالرزاق داؤد نے بتایا کہ آئی ایم ایف پروگرام سے نکلنے کے بعد ہم بہتر پوزیشن میں ہونگے، پیٹروکیمیل بہت اہم سیکٹر ہے یہ ہی ہمارا مستقبل ہے، سب کی مشترکہ کاوشوں سے ہم اس انڈسٹری کو آگے لے جاسکتے ہیں۔

دوسری جانب جنوبی کوریا کے سفیر سوہ سنگ پئو نے پاکستان پیٹروکیمیکل سمپوزیم سے خطاب کرتے ہوئے کہا کہ کوریا میں صنعتی انقلاب کے تجربات سے پاکستان بھی استفادہ کرسکتا ہے، کوریا نے 60 کی دھائی کی جنگ کے بعد انقلابی اقدامات کئے۔

انکا کہنا تھا کہ کوریا کے موثر اقدامات سے دنیا کی بڑی معیشتوں میں شامل ہوئے، پاکستان اور کوریا پیٹروکیمیکل سمیت ہر شعبے میں ایک دوسرے کے تجربات سے استفادہ کرسکتے ہیں۔

اس کے علاوہ چیئرمین سرمایہ کاری بورڈ محمد ظفر احسن  نے کہا کہ پاکستان پیٹروکیمیکل پالیسی کا آئندہ چند روز میں اعلان کردیا جائے گا، موثر اقدامات سے پیٹروکیمکل کے شعبے میں 3 ارب ڈالر کی نئی سرمایہ کاری آئے گی۔