پیٹرولیم مصنوعات پر سبسڈی جاری رہے گی یا نہیں، فیصلہ آج ہوگا

ویب ڈیسک

19th Apr, 2022. 02:49 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پیٹرولیم مصنوعات پر سبسڈی جاری رہے گی یا نہیں، فیصلہ آج ہوگا

پیٹرولیم مصنوعات پر سبسڈی جاری رہے گی یا نہیں اس حوالے سے فیصلہ آج ہونے کا امکان ہے۔

ذرائع کے مطابق پاکستان اور آئی ایم ایف کے درمیان مذاکرات ایک دن کے تعطل کے بعد آج شروع ہوں گے جس کے پہلے مرحلے میں تکنیکی سطح کے مذاکرات ہوں گے۔

ذرائع کا کہنا ہے کہ پاکستان اور آئی ایم ایف کے درمیان مذاکرات 24 اپریل تک جاری رہیں گے۔ کامیاب مذاکرات کی صورت میں ایک ارب ڈالرز کی قسط جاری ہو گی۔

ذرائع کے مطابق گورنر اسٹیٹ رضا باقر آئی ایم ایف سے مذاکرات کے لیے واشنگٹن پہنچ گئے ہیں جبکہ وزیر خزانہ مفتاح اسماعیل آن لائن مذاکرات میں شرکت کریں گے۔

مذاکرات میں آئندہ بجٹ سے متعلق تجاویز زیر غور آئیں گی اور آئی ایم ایف کی جانب سے بڑا ٹیکس ہدف مقرر کیے جانے کا مطالبہ ہو گا۔

ذرائع کا کہنا ہے کہ آئی ایم ایف سے مذاکرات میں بجٹ کے اہم خدوخال پر بات چیت ہوگی جبکہ آئی ایم ایف 7 ہزار ارب ٹیکس ہدف کا مطالبہ کرسکتا ہے۔

ذرائع کا مزید کہنا ہے کہ وزیر خزانہ مفتاح اسماعیل پیٹرولیم مصنوعات پر سبسڈی جاری رکھنے کی درخواست کریں گے۔