ٹیکس جمع کرنے کی موجودہ رفتار برقرار رکھی جائے گی، چیئرمین ایف بی آر

ویب ڈیسک

15th Apr, 2022. 04:31 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ٹیکس جمع کرنے کی موجودہ رفتار برقرار رکھی جائے گی، چیئرمین ایف بی آر

چیئرمین ایف بی آر ڈاکٹر محمد اشفاق احمد کا کہنا ہے کہ ٹیکس جمع کرنے کی موجودہ رفتار برقرار رکھی جائے گی۔

تفصیلات کے مطابق چیئرمین ایف بی آر ڈاکٹر محمد اشفاق احمد کا میڈیا سے غیر رسمی گفتگو کرتے ہوئے کہنا تھا کہ وزیراعظم شہباز شریف نے آئی ایم ایف پروگرام کو آن ٹریک رکھنے کی ہدایت کی ہے۔

محمد اشفاق احمد نے کہا کہ وزیراعظم نے سالانہ ٹیکس ہدف بھی پورا کرنے پر زور دیا ہے۔ موجودہ مالی سال 6100 ارب روپے ٹیکس جمع کرنے کے لیے پر امید ہیں۔

انہوں نے کہا کہ ایمنسٹی اسکیم پر عمومی تحفظات سامنے آئے ہیں۔وزیراعظم نے ٹیکس اہداف پر تفصیلی بریفنگ مانگ لی ہے،انہیں آئندہ ہفتے اس حوالے سے بریفنگ دی جائے گی۔

چیئرمین ایف بی آر کا کہنا تھا کہ آئی ایم ایف کے ساتھ ساتویں اقتصادی جائزہ مذاکرات کے لیے رابطے جاری ہیں۔

محمد اشفاق احمد نے کہا کہ نئی حکومت میں بھی ٹیکس گزاروں کو انعامات دینے کی اسکیم جاری رہے گی۔ ٹیکس جمع کرنے کی موجودہ رفتار برقرار رکھی جائے گی۔

ان کا مزید کہنا تھا کہ موجودہ مہینے میں بھی ٹیکس محصولات حوصلہ افزا ہیں۔