رمضان بازاروں میں 13 اشیائے ضروریہ 2021 کی قیمتوں پر دستیاب ہیں۔
تفصیلات کے مطابق محکمہ صنعت وتجارت پنجاب نے رمضان بازار مانیٹرنگ رپورٹ جاری کردی۔
جاری کردہ رپورٹ میں بتایا گیا ہے کہ رمضان بازاروں میں سستے آٹے کی فراہمی کے لیے اب تک فلور ملز کو 18 ہزار 654 میٹرک ٹن گندم جاری کی جا چکی ہے۔
صوبے بھر میں قائم 317 رمضان بازاروں میں اب تک 10کلو آٹے کے 22 لاکھ 98 ہزار 445 تھیلے فراہم کیے گئے۔450 روپے فی تھیلے کے حساب سے 17 لاکھ 69 ہزار 455 آٹے کے تھیلے فروخت ہوچکے۔
رمضان بازاروں میں 80 روپے فی کلو کے حساب سے 19 لاکھ 92 ہزار 822 کلو گرام چینی فروخت ہوچکی۔
Advertisement
رمضان بازاروں میں مرغی کا گوشت عام مارکیٹ سے 10 روپے فی کلو اور انڈے 5روپے فی درجن کم نرخوں پر مل رہے ہیں۔
رمضان بازاروں میں قائم فیئر پرائس شاپس پر پیاز،آلو، ٹماٹر، بھنڈی سمیت 13 اشیائے ضروریہ 2021 کی قیمتوں پر مل رہی ہیں۔
رمضان المبارک کے دوران اشیائے ضروریہ کی طلب و رسد، قیمتوں اور معیار کی مانیٹرنگ کے لیے 1279 پرائس کنٹرول مجسٹریٹس فرائض سر انجام دے رہے ہیں۔
پرائس کنٹرول مجسٹریٹس نے گزشتہ روز 14 ہزار 606 انسپیکشنز کیں۔ خلاف ورزیوں پر 55 مقدمات درج ہوئے اور 117 افراد کو گرفتار کیا گیا جبکہ 38 لاکھ روپے سے زائد کے جرمانے کیے گئے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
