حکومت نے متعدد اشیاء کی درآمد پر عائد پابندی اٹھالی

ویب ڈیسک

28th May, 2022. 06:35 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

حکومت نے متعدد اشیاء کی درآمد پر عائد پابندی اٹھالی

حکومت نے انرجی سیورز سمیت متعدد اشیاء کی درآمد پر عائد پابندی اٹھالی۔

تفصیلات کے مطابق وزارت تجارت نے پابندی ختم کرنے کا وضاحتی نوٹیفکیشن جاری کردیا ہے۔

کتوں اور بلیوں کے سوا دیگر جانوروں کی خوراک کی درآمد پر بھی پابندی ختم کردی گئی۔ کتے اور بلی کی خوراک کی درآمد پر پابندی برقرار رہے گی۔

وفاقی حکومت نے 19 مئی کو لگژری اور غیر ضروری اشیاء کی درآمد پر پابندی عائد کردی تھی۔

ذرائع وزارت تجارت کا کہنا ہے کہ شہریوں کی شکایات پر جاری کیے گئے نوٹیفکیشن میں خامیاں دور کررہے ہیں۔19 مئی سے قبل ایئر وے بل جاری ہونے والی اشیاء کی درآمد کی اجازت ہوگی۔

ذرائع وزارت تجارت کا مزید کہنا ہے کہ انڈسٹری نے مختلف خام مال کی درآمد پر پابندی ختم کرنے کی تجاویز دی ہیں ۔ انڈسٹری کی تجاویز پر ایف بی آر کے ساتھ مشاورت کررہے ہیں ۔

ذرائع کا کہنا ہے کہ مختلف خام مال کی درآمد پر بھی پابندی سے استشنیٰ دینے کی تجویز ہے ۔