کراچی، لوڈ شیڈنگ سے مستثنیٰ علاقوں میں پھر سے لوڈ شیڈنگ شروع

کفیل احمد

06th May, 2022. 08:42 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کراچی، لوڈ شیڈنگ سے مستثنیٰ علاقوں میں پھر سے لوڈ شیڈنگ شروع

کے الیکٹرک نے لوڈشیڈنگ سے مستثنیٰ علاقوں میں ایک بار پھر لوڈ شیڈنگ شروع کردی ۔

تفصیلات کے مطابق لوڈشیڈنگ سے مستثنیٰ علاقوں میں 3 سے 4 گھنٹے بجلی جان بوجھ کر بند کی جارہی ہے۔

پی آئی بی کالونی ، پٹیل پاڑہ اور جہانگیر روڈ سمیت متعدد علاقوں میں 2 گھنٹے تک بجلی بند ہوتی ہے، شدید گرمی اور حبس کے باعٹ شہریوں کو شدید مشکلات کا سامناکرنا پڑرہا ہے۔

لانڈھی ، ملیر ، شاہ فیصل کالونی ، ہجرت کالونی ، لسبیلہ ، رنچھوڑلائن اور نارتھ ناظم آباد کے مختلف علاقوں میں بجلی کی بدترین لوڈشیڈنگ جاری ہے۔

کے الیکٹرک ترجمان موجودہ گرمی کے موسم میں بجلی کی طلب اور رسد نہیں بتارہے۔

12 سال بعد بھی کراچی میں گرمیوں میں بدترین لوڈشیڈنگ جاری ہے۔ کے الیکٹرک اب تک خود بجلی کی پیداوار نہیں کرتی بلکہ سارا انحصار وفاقی بجلی پر ہوتا ہے۔

کے الیکٹرک نے 950 میگاواٹ سسٹم میں شامل کرنے کا دعویٰ کیا تھا لیکن تاحال بجلی سسٹم میں شامل نہیں کی گئی ۔

کے الیکٹرک کی جانب سے اووربلنگ بھی جاری ہے لیکن کوئی پوچھنے والا نہیں ہے۔