مہنگائی کے اس دور میں گاڑی خریدنا کوئی آسان کام نہیں لیکن اب گاڑی خریدنے کے خواہشمند افراد کے لیے بڑی خوشخبری سامنے آئی ہے۔
تفصیلات کے مطابق فیڈرل بورڈ آف ریونیو (ایف بی آر) کی جانب سے ترمیم شدہ فنانس بل 2022 کے تحت گاڑیوں پر ٹیکس کم کردیا گیا ہے۔
ایف بی آر نے گاڑیوں پر کیپٹل ویلیو ٹیکس (سی وی ٹی) کو 2 فیصد سے کم کرکے ایک فیصد کردیا ہے جس کے بعد مقامی مارکیٹ میں گاڑیاں سستی ہونے کا امکان ہے۔
ذرائع کا کہنا ہے کہ فنانس بل 2022 کے تحت ایف بی آر نے بعض اثاثوں کی کیپٹل ویلیو پر ٹیکس لگانے کی تجویز دی ہے۔
ایف بی آر کا کہنا ہے کہ فراہم کردہ نرخوں پر اثاثوں کی قیمت پرٹیکس لگایا جائے، جسے کیپٹل ویلیو ٹیکس 2022 کہا جائے گا تاہم یہ ٹیکس پچاس لاکھ روپے سے زائد مالیت کی گاڑیوں پر وصول کیا جائے گا۔
فنانس بل 2022 میں ترمیم کے ذریعے سی وی ٹی کو اب 2 سے کم کر کے ایک فیصد کرتے ہوئے گاڑیوں کی قیمت کے تعین کا طریقہ کار بھی فراہم کر دیا ہے۔
ذرائع کا کہنا ہے کہ در آمد کی جانے والی گاڑیوں پر کسٹم حکام کے ذریعہ کسٹم ڈیوٹی میں اضافہ کے طور پر درآمدی قیمت کا تخمینہ لگایا جائے گا۔
تاہم مقامی طور پر تیار یا اسمبل کی جانے والی گاڑیوں کی وہ قیمت ہوگی جس پر گاڑی مقامی مینوفیکچرر یا اسمبلر فروخت کرتا ہے۔نیلامی کی صورت میں لگنے والی قیمت کوسی وی ٹی کے لیے تصور کیا جائے گا۔
کلکٹرکسٹمز گاڑی کی درآمد کے وقت درآمدی قیمت پر مروجہ شرح کے مطابق کسٹمز ڈیوٹی و ٹیکس وصول کرے گا ۔
اسی طرح مقامی مینوفیکچرر یا اسمبلر موٹر گاڑی کے خریدار سے پہلے شیڈول میں وضع کردہ شرح پر فروخت کی قیمت پر ٹیکس وصول کرے گا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News