مہنگائی سے تنگ عوام پر پیٹرول بم، قیمتوں میں اضافے کا امکان

ویب ڈیسک

29th Jul, 2022. 02:44 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

مہنگائی سے تنگ عوام پر پیٹرول بم، قیمتوں میں اضافے کا امکان

اسلام آباد:بین الاقوامی سطح پر خام تیل کی قیمتوں میں اضافے کے بعد ملک میں بھی پیٹرولیم مصنوعات کی قیمتوں میں اضافے کا امکان ہے۔

ذرائع کے مطابق پیٹرولیم مصنوعات کی قیمتوں سے متعلق اوگرا کی ورکنگ حتمی مراحل میں داخل ہوگئی ہیں جبکہ اوگرا کی جانب سے پیٹرولیم مصنوعات کی قیمتوں کی سمری کل وزارت خزانہ کو بجھوائے جائے گی۔

ذرائع کا کہنا ہے کہ اب تک کی ورکنگ کے مطابق پیٹرول کی قیمت میں 15 روپے اور ڈیزل 18 روپے فی لیٹر مہنگا ہونے کا امکان ہے۔

یہ بھی پڑھیں: پیٹرولیم مصنوعات کی قیمتوں میں اضافے کا امکان

اوگرا نے پیٹرولیم مصنوعات سے متعلق دو تجاویز تیار کی ہیں، پٹرولیم مصنوعات پر لیوی ٹیکس کم کر کے قیمتیں برقرار رکھی جا سکتی ہیں جبکہ لیوی ٹیکس میں 10 روپے فی لیٹر تک اضافہ کر کے قیمتیں بڑھائی جا سکتی ہیں۔

ذرائع کے مطابق لیوی ٹیکس کم کرنے سے ڈیلرز مارجن کے اثرات سے بھی بچا جاسکتا ہے۔

ذرائع کا مزید کہنا ہے کہ بین الاقوامی قیمتوں کے مطابق بھی مقامی سطح پر پیٹرولیم مصنوعات کی قیمتوں میں اضافہ نہیں بنتا جبکہ ٹیکسز کی شرح بڑھا کر ہی پیٹرول اور ڈیزل کی قیمتوں میں اضافہ ممکن ہے۔

یہ بھی پڑھیں: پیٹرولیم مصنوعات کی قیمتوں میں 10 روپے فی لیٹر تک اضافے کا امکان

واضح رہے کہ پیٹرولیم مصنوعات کی قیمتوں سے متعلق تجاویز پر وزارت خزانہ غور کرے گی جبکہ وزیراعظم سے مشاورت کے بعد 31 جولائی کو نئی قیمتوں کا اعلان متوقع ہے۔