چیئرمین ایف بی آر عاصم احمد نے کہا ہے کہ ایڈوانس ٹیکس کی مد میں 58 فیصد کا اضافہ ہوا ہے۔

چیئرمین ایف بی آر عاصم احمد نے  کہا کہ آخری سہ ماہی سب سے زیادہ مشکل تھی، ہم نے ہر ممکن کوشش کرکے چیلنج کو قبول کیا۔

چیئرمین ایف بی آر کا کہنا تھا کہ ہمیں 6100 ارب کا نظرثانی ہدف دیا گیاتھا، ہم نے انفورسمنٹ اور ریکوری پر خصوصی توجہ دی۔

انہوں نے بتایا کہ انفورسمنٹ اقدامات سے 250 ارب روپے اکٹھے کیے، انفورسمنٹ سے انکم اور سیلز ٹیکسز ریٹرنز یقینی بنائی گئیں۔

چیئرمین ایف بی آر نے بتایا کہ  ٹیکس ریٹرنز میں پونے دو لاکھ کا اضافہ ہوا جبکہ ایڈوانس ٹیکس کی مد میں 58 فیصد کا اضافہ ہوا ہے، ایڈوانس ٹیکس کی مدد سے 565 ارب روپے کیی سطح تک پہنچے ہیں۔

واضح رہے کہ فیڈرل بورڈ آف ریونیو (ایف بی آر) کے مطابق 11 ماہ میں کراچی سے 1595 ارب روپے ٹیکس وصول کیا گیا ، گذشتہ سال کےمقابلے میں اس سال 42 فیصد زیادہ ٹیکس وصولی کی گئی ہے۔

اس کے علاوہ ملکی تاریخ میں پہلی مرتبہ 6 ہزار ارب روپے سے زائد محصولات جمع ہوئے، سال2021-22 کے لیے مقرر  ابتدائی ہدف 5 ہزار  829 ارب روپے گزشتہ ہفتے حاصل کیا تھا۔

 ایف بی آر کے مطابق رواں مالی سال انکم ٹیکس کی مد میں2 ہزار 205  ارب اکھٹے کیے گئے، سیلز ٹیکس کی مد میں 2 ہزار 773 ارب روپے اور کسٹمزڈیوٹی کی مد میں1007 ارب روپے اکٹھے کیےگئے۔