جنوبی پنجاب، آزاد کشمیر اور گلگت بلتستان میں 190 نئے یوٹیلیٹی اسٹورز کھولنے کا فیصلہ

ویب ڈیسک

05th Jul, 2022. 11:53 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

جنوبی پنجاب، آزاد کشمیر اور گلگت بلتستان میں 190 نئے یوٹیلیٹی اسٹورز کھولنے کا فیصلہ

اسلام آباد: جنوبی پنجاب، آزاد کشمیر اور گلگت بلتستان میں 190 نئے یوٹیلیٹی اسٹورز کھولنے کا فیصلہ کیا گیا ہے۔

ذرائع کے مطابق وزیر اعظم کی ہدایت پر وزارت صعنت وپیداوار نے سمری تیار کرلی ہے جبکہ بلوچستان میں 34 موبائل اسٹورز بھی قائم کرنے کی تجویز ہے۔

یہ بھی پڑھیں: کراچی میں 165 نئے یوٹیلیٹی اسٹورز کھولنے کا منصوبہ

ذرائع کا کہنا ہے کہ سمری منظوری کے لئے کل اقتصادی رابطہ کمیٹی میں پیش کی جائے گی، نئے یوٹیلیٹی اور موبائل اسٹورز پر 17 کروڑ 40 لاکھ روپے اخراجات کا تخمینہ لگایا گیا ہے۔

کراچی میں 165 نئے یوٹیلیٹی اسٹورز کھولنے کا منصوبہ الگ ہے، دوسرے مرحلے میں کراچی میں نئے اسٹورز کھولنے کی منظوری لی جائے گی۔

واضح رہے کہ وزیر اعظم شہباز شریف نے یوٹیلیٹی اسٹورز پر بڑا ریلیف پیکج دینے کا فیصلہ کیا ہے جس کے تحت ایک سال کیلئے 68 ارب روپے سے زائد کا ریلیف پیکچ دیا جائے گا۔

یہ بھی پڑھیں: یوٹیلیٹی اسٹورز پر خریداری کیلئے استعمال ہونے والا ون ٹائم پاس ورڈ سسٹم ختم

وزیر اعظم کی ہدایت پر وزارت صعنت وپیداوار نے سمری تیار کرلی ہے، پیکچ کے تحت 5 بنیادی اشیاء آٹا، دال، چاول، چینی اور گھی پر سبسڈی مزید ایک سال کیلئے جاری رہے گی۔