یوٹیلیٹی اسٹور ملازمین کی جائز حقوق نہ ملنے پر شٹر ڈاؤن ہڑتال کی دھمکی

ویب ڈیسک

01st Jul, 2022. 01:17 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

یوٹیلیٹی اسٹور ملازمین کی جائز حقوق نہ ملنے پر شٹر ڈاؤن ہڑتال کی دھمکی

یوٹیلیٹی اسٹورز کے ملازمین نے جائز حقوق نہ ملنے پر ملک بھر میں شٹر ڈاؤن ہڑتال کرنے کی دھمکی دے دی۔

مرکزی سیکرٹری جنرل آل پاکستان ورکرز الائنس یوٹیلیٹی اسٹورز کارپوریشن سید عارف شاہ کا کہنا ہے کہ بورڈ آف ڈائریکٹرز ملازمین کے جائز حقوق نہیں دے رہے ہیں۔

عارف شاہ کا کہنا ہے کہ عدالتوں کے واضح احکامات کے باوجود ڈیلی ویجز اور کنٹریکٹ ملازمین کو ریگولر نہیں کیا جا رہا ۔مہنگائی کے باوجود بورڈ نے 2021 اور 2022 کے ڈی آر اے الاؤنس کی منظوری بھی نہیں دی۔

انہوں نے مزید کہا کہ حکومت کی جانب سے کم از کم اجرت 25 ہزار روپے کے اعلان پر بھی تاحال عمل نہیں ہوا۔

جنرل سیکریٹری سید عارف شاہ نے وزیر اعظم سے یوٹیلیٹی اسٹورز ملازمین کے ساتھ ہونے والی زیادتیوں کا نوٹس لینے کا مطالبہ کیا گیا۔

انہوں نے کہا کہ اگر مطالبات تسلیم نہ کیے گئے تو احتجاجا ًملک بھر کے اسٹورز کا تالا بند کرنے پر مجبور ہوں گے۔ تمام یونینز مل کر عید کے بعد احتجاج کی تاریخ کا اعلان کریں گی۔