سوزوکی موٹر بائیکس کے شوقین افراد  کے لیے بڑی خبر سامنے آگئی، کمپنی نے قیمتوں میں ہوشربا اضافہ کردیا۔

تفصیلات کے مطابق  ہونڈا اور یاماہا  کے بعد پاک سوزوکی  نے بھی اپنی موٹر بائیکس کی قیمتو ں میں اضافے کا اعلان کردیا  ہے۔

پاک سوزوکی نے  جی ڈی 110 ایس کی قیمت میں 7 ہزار روپے کا اضافہ کیا ہے جس کے بعد موٹرسائیکل کی قیمت 2 لاکھ 12 ہزار  روپے سے بڑھ کر 2 لاکھ 19 ہزار تک پہنچ گئی  ہے۔

جی ایس  150   کی قیمت میں بھی 7 ہزار روپے اضافہ کیا گیا ہے جس کے بعد اس کی قیمت 2 لاکھ 32 ہزار سے بڑھ کر 2 لاکھ 39 ہزار  روپے تک پہنچ  گئی ہے۔

جی ایس 150 ای  کی قیمت بھی 7 ہزار روپے اضافے سے 2 لاکھ 49 ہزار روپے سے بڑھ کر  2 لاکھ 56 ہزار  روپے تک پہنچ گئی  ہے۔

جی آر 150  کی قیمت میں 10 ہزار روپے  سے 3 لاکھ 39 ہزار  روپے سے بڑھ کر 3 لاکھ 49 ہزار  روپے تک پہنچ گئی  ہے۔

موٹر بائیکس کی نئی قیمتوں کا اطلاق 2 جولائی سے ہوگیا ہے۔

واضح رہے کہ  گزشتہ دنوں ہونڈا کمپنی نے اپنی موٹر بائیکس کی قیمتوں میں رواں برس مسلسل  پانچویں بار اضافہ کیا تھا۔

اس کے علاوہ یاماہا ، یونائیٹڈ کمپنی کی جانب سے اپنی موٹر بائیکس کی قیمتوں میں اضافہ کیا گیا ہے۔

 کمپنیز کا کہنا ہے کہ ڈالر ،پیٹرول،خام مال، اسٹیل ،کروم،سلور اور دیگر اشیا ءکی قیمتیں بڑھنے کے باعث باعث بائیکس کی قیمتیں بڑھانا پڑیں۔