ڈالر کی قدر میں اضافے کے باعث ملک میں بڑھتی مہنگائی  کے زیر اثر گاڑیاں بھی مہنگی ہونے لگیں۔

تفصیلات کے مطابق ملک میں ہونڈا اور ٹویوٹا کے بعد سوزوکی نے  بھی اپنی گاڑیوں کی قیمتوں میں ہوشربا اضافہ کردیا ہے۔

ٹویوٹا اور ہنڈا کی گاڑیوں کی قیمتوں میں اضافے کے بعد سوزوکی نے بھی پاکستان میں اپنی گاڑیاں مہنگی کر دی ہیں۔

آلٹو وی ایکس 14 لاکھ 75 ہزار سے بڑھ کر 17 لاکھ 89 ہزار روپے ہو گئی ہے۔ اسی طرح آلٹو وی ایکس آر کی قیمت 17 لاکھ 33 ہزار روپے سے بڑھ کر  20 لاکھ 79 ہزار ہو گئی ہے ۔

آلٹو اے جی ایس 19 لاکھ 51 ہزار روپے سے بڑھ کر 23 لاکھ 39 ہزار  روپےکی ہو گئی ہے۔

سوزوکی کی سب سے زیادہ فروخت ہونے والی گاڑیوں میں شامل ویگن آر وی ایکس ایل کی قیمت پانچ لاکھ روپے اضافے سے 21 لاکھ 99 ہزار روپے سے بڑھ کر 26 لاکھ 99 ہزار روپے ہو گئی ہے۔

ویگن آر وی ایکس آر کی قیمت تقریباً پانچ لاکھ روپے اضافے سے 20 لاکھ 84 ہزار  روپے سے بڑھ کر 25 لاکھ 49 ہزار  روپےہو گئی ہے۔

ویگن آر اے جی ایس 23 لاکھ 99 روپے سے بڑھ کر 29 لاکھ 49 ہزار روپے کی ہوگئی ہے۔

اس کے علاوہ  کلٹس وی ایکس آر 28 لاکھ 89 ہزار، کلٹس وی ایکس ایل 31 لاکھ 59 ہزار اور کلٹس اے جی ایس 33 لاکھ 79 ہزار روپے کی ہوگئی ہے۔

سوئفٹ جی ایل سی وی ٹی کی قیمت تقریباً چھ لاکھ روپے اضافے سے 29 لاکھ 98 ہزار  روپے سے بڑھ کر 35 لاکھ 99 ہزار  روپے تک پہنچ گئی ہے۔

سوئفٹ جی ایل ایم ٹی  کی نئی قیمت 33 لاکھ 49 ہزار   اور سوئفٹ جی ایل ایکس سی وی ٹی کی نئی قیمت 39 لاکھ 59 ہزار ہو گئی ہے ۔

دیگر گاڑیوں  میں راوی، بولان وین اور بولان کارگو کی نئی قیمتیں بالترتیب 14 لاکھ 99 ہزار، 15 لاکھ 79 ہزار اور 13 لاکھ 15 ہزار روپے مقرر کی گئی ہیں۔

واضح رہے کہ اس سے قبل ٹویوٹا اور ہونڈا کی جانب سے بھی گاڑی کی قیمتوں میں اضافہ کیا جاچکا ہے۔