مالیاتی بحران، حکومت نے وزارتوں اور ڈویژنز کی ضمنی گرانٹس پر پابندی لگادی

ویب ڈیسک

04th Aug, 2022. 08:15 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

مالیاتی بحران، حکومت نے وزارتوں اور ڈویژنز کی ضمنی گرانٹس پر پابندی لگادی

ملک میں جاری مالیاتی بحران کے باعث حکومت نے وزارتوں اور ڈویژنز کی ضمنی گرانٹس پر پابندی لگادی۔

تفصیلات کے مطابق رواں مالی سال کے لیے حکومت نے فنڈز کی تخصیص کے لیے حکمت عملی تیار کرلی۔

وزارتوں اور ڈویژنز کی منظور شدہ گرانٹ سے فنڈز جاری ہوں گے۔ ملازمین سے متعلقہ اخراجات دیگر مصارف میں خرچ نہیں کیے جاسکیں گے۔

مجاذ اتھارٹی کی منظوری کے بعد ادارہ فنڈز خرچ کرنے کا اختیار رکھے گا۔ فنڈز خرچ کرنے کی دستاویز وزارت خزانہ کے اخراجات ونگ کو فراہم کرنا لازمی ہوگا۔

رواں مالی سال کی پہلی سہہ ماہی میں تکنیکی ضمنی گرانٹس زیر غور نہیں آئیں گی جبکہ بجٹ 2022- 23میں مختص شدہ فنڈز کے علاوہ ضمنی گرانٹس بھی زیر غور نہیں لائی جائیں گی۔

وزارت خزانہ صرف انتہائی اور غیر معمولی حالات میں ضمنی گرانٹس کی منظوری دے گی۔ضمنی گرانٹس کے حصول کے لیے پرنسپل اکاؤنٹنگ آفیسر کو تمام ضروری تقاضے پورے کرنے ہوں گے۔