55 لاکھ ڈالر کی سبزیاں پورٹ پر پھنس گئیں، قیمتوں میں اضافے کا خدشہ

کفیل احمد

07th Dec, 2022. 01:26 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

55 لاکھ ڈالر کی سبزیاں پورٹ پر پھنس گئیں، قیمتوں میں اضافے کا خدشہ

55 لاکھ ڈالر کے لگ بھگ مالیت کی سبزیاں پورٹ پر پھنسنے کے باعث قیمتوں میں اضافے کا خدشہ پیدا ہوگیا۔

تفصیلات کے مطابق پورٹ پر لہسن ، پیاز اور ادرک کے کنٹینرز پھنسنے کے معاملے پر وزارت تجارت نے سبزیوں کے ایکسپورٹرز سے رابطہ کیا ہے۔

ایکسپورٹر و امپورٹر وحید احمد کا کہنا ہے کہ وزارت تجارت نے پورٹ پر پھنسے لہسن ، پیاز اور ادرک کے کنٹینرز سے حوالے سے معلومات لی ہیں اور اسٹیٹ بینک کے ذریعے مسئلے کے حل کی یقین دہانی کروائی ہے۔

گزشتہ روز کمرشل بینکوں نے ادرک ، لہسن اور پیاز کے درآمدی کنٹینرز کی فراہمی سے انکار کیا تھا۔

واضح رہے کہ کراچی کی بندرگاہ پر درآمدی پیاز، ادرک اور لہسن کے سیکڑوں کنٹینرز پھنسے ہوئے ہیں۔ کمرشل بینک زرمبادلہ نہ ہونے کو جواز بناکر دستاویزات کلیئر نہیں کر رہے ہیں۔

بندرگاہوں پر پیاز کے 250 ، لہسن کے 104 اور ادرک کے 63 کنٹینرز پھنسے ہوئے ہیں جن کی مجموعی مالیت 55 لاکھ ڈالر کے لگ بھگ ہے۔

پیاز کی قیمت پہلے ہی 175 روپے کلو ہے ۔درآمدی پیاز ، لہسن اور ادرک مارکیٹوں تک نہ پہنچے تو قیمتوں میں مزید اضافہ ہوگا۔