رجیم چینج آپریشن کے بعد ملک کے دیوالیہ ہونے کے خطرات 5 فیصد سے بڑھ کر 75 فیصد ہوگئے ہیں۔

رجیم چینج آپریشن کے بعد پاکستان کی صنعتی پیداوار اور سروسز سیکٹرمسلسل زوال پذید ہونے لگے ہیں جب کہ ملک کو موصول ہونے والے خطیر زرمبادلہ میں کمی ہونے لگی ہے۔

سروسزسیکٹر میں برآمدات گزشتہ چار سہہ ماہ کی کم ترین سطح پر آگئیں ہیں، آٹو فنانسنگ میں بھی بڑی کمی ہوئی ہے اور گاڑیوں کی فروخت آدھی رہ گئی ہے۔

ملک کے دیوالیہ ہونے کے خطرات بھی مارچ 2022 کے 5 فیصد کے مقابلے میں حالیہ 75 فیصد کے خطرناک سطح پر پہنچ گئے ہیں۔

رجیم چینج آپریشن ملک کی معیشت سے بڑا کھلواڑ ثابت ہوا اور پی ڈی ایم حکومت نے ٹیکنالوجی ایکسپورٹ کا بھٹہ بٹھادیا۔

مالی سال 2022 کے آغاز میں پاکستان، سروسز سیکٹر میں برآمدات کی 3 ارب ڈالر کی سطح کو چھورہا تھا۔

رواں سال جولائی سے ستمبر کے دوران پاکستان کی اس شعبے سے حاصل ہونے والی آمدنی 633 ملین ڈالر رہی جو گزشتہ چار سہ ماہیوں سے کم ہے۔

ادھر مسلسل چوتھے ماہ آٹو فنانسنگ میں کمی کا رجحان برقرار ہے، گزشتہ ماہ کے آخر میں 345 ارب روپے کی آٹو فنانسنگ کی گئی جو کہ گزشتہ برس اکتوبر کے مقابلے میں 0.1 فیصد کم ہے۔

گاڑیوں کی فروخت بھی جولائی تا اکتوبر کے دوران 39 ہزار 700 یونٹس تک گر گئی جو ایک سال قبل 74 ہزار 952 یونٹس تھی۔