پیسے بچانا اور انہیں مستقبل کیلئے محفوظ کرنا ہر کسی کی خواہش ہوتی ہے مگر مہنگائی کے دور میں کسی بھی شخص کے لئے یہ کام بہت مشکل ہے۔

 بظاہر بچت کرنا آسان لگتا ہے لیکن جب روز بہ روز بڑھتی مہنگائی میں اخراجات اور ادائیگی کا سامنا کر نا پڑے تو پیسے بچانے پر عمل کرنا دشوار بھی ہوجاتا ہے۔

آج ہم اس اسٹوری میں آپ کو مہنگائی کے اس دور میں ’پیسے اور وقت‘ بچانے کی کارآمد ٹپس دے رہے ہیں ۔

مہنگائی اور خرچے ۔۔۔۔ بچت کیسے کریں؟

ہفتہ وار بجٹ شیٹ

مہینے کا آغاز ہوتے ہی ہفتہ وار بجٹ شیٹ تیار ضرور کریں اور اس بات کو مدنظر رکھیں کہ صرف ضروری اشیاء ہی اس میں شامل کرنی ہیں اور لازمی طور پر اس شیٹ پر پابندی سے عمل کریں۔

خریداری سے قبل سوچیں

خریداری سے قبل سوچیں آپ نے بجٹ شیٹ تیار کرلی اور اس پر حساب کتاب لکھنا شروع کردیا لیکن اُس کے باوجود بھی بیشتر اوقات غیر ضروری اشیاء آپ کو اپنی طرف راغب کریں گی۔

مگر کوئی بھی چیز خریدنے سے پہلے ایک بار ضرور سوچیں کہ آیا اس کی آپ کو کتنی ضرورت ہے اور یہ آپ کے بنائے گئے بجٹ کو نقصان تو نہیں پینچا رہی؟

ایمرجنسی فنڈ

 ایمرجنسی فنڈ محفوظ کریں اگر آپ مشکل حالات و صورتحال سے نمٹنے کے لئے پہلے سے ہی ایمرجنسی فنڈ کے لئے ہر ماہ اپنی تنخواہ کا کچھ حصہ محفوظ کرتے ہیں تو مشکل وقت میں یہ آپ کے کام بھی آسکتی ہے۔

تو یہ آپ کے لئے بہتر ہوگا کہ کسی بھی ہنگامی صوتحال ہونے کے باوجود بھی آپ کے پاس محفوظ کی ہوئی رقم موجود ہوگی۔

 اخراجات لکھیں اور موازنہ کریں

یومیہ اور ہفتہ وار اخراجات ایک کاپی پر لکھیں تاکہ آپ کو اندازہ ہو کہ دن بھر میں یا پھر ہفتے میں آپ نے کتنی رقم خرچ کی اور ان میں سے کتنے پیسے غیر ضروری خرچ ہوئے۔

 یوٹیلیٹی بلز کم کریں

اپنے پیسوں کو بچانے کا ایک بہترین طریقہ کار یہ بھی ہے کہ آپ یوٹیلیٹی بلوں کے اخراجات کم کر دیں۔

ایسا بھی دیکھا گیا کہ اکثر لوگ اپنی بجلی کے آلات پر حد سے زیادہ پیسہ خرچ کرتے ہیں کوشش کریں کہ غیر ضروری یا جو بجلی کے آلات استعمال میں نہیں ہیں ان کو بند کر کے آپ اپنے پیسے بچا سکتے ہیں۔

کیش کا استعمال

اگر آپ نے شاپنگ کرنی ہے تو کیش سے ہی کیجیے کیونکہ کریڈٹ کارڈ کے استعمال سے شاپنگ زیادہ کی جاتی ہے جس کے باعث بجٹ آؤٹ ہوجاتا ہے۔

 یہ بھی پڑھیں: مہنگائی نے عوام کی کمر توڑ دی، اشیائے ضروریہ مزید مہنگی