ڈالر کی قدر میں اضافہ، بیرونی قرضوں میں تقریباً 4 ہزار ارب روپے کا اضافہ

عمر حیات خان

27th Jan, 2023. 03:44 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ڈالر کی قدر میں اضافہ، بیرونی قرضوں میں تقریباً 4 ہزار ارب روپے کا اضافہ

ڈالر کی قدر میں اضافے سے بیرونی قرضوں میں تقریباً 4 ہزار ارب روپے کا اضافہ ہوگیا ہے۔

تفصیلات کے مطابق دو روز میں ڈالر کی قدر میں 34 روپے کے بڑے اضافے سے ملک پر قرضوں کا بوجھ بھی بڑھ گیا ہے۔

ڈالر کی قیمت بڑھنے سے پاکستان پر بیرونی قرضوں میں دو دنوں میں 3 ہزار 900 ارب روپے کا اضافہ ہوگیا ہے۔

پاکستان پر بیرونی قرضوں کا حجم 130 ارب ڈالر سے زائد کا ہے۔

معاشی ماہرین کا کہنا ہے کہ ڈالر کی قدر میں ایک روپیہ اضافے سے بیرونی قرضوں میں 130 ارب روپے کا اضافہ ہوتا ہے۔

دوسری جانب روپے کی قدر میں کمی اور آئی ایم ایف شرائط کو تسلیم کرنے سے مہنگائی کا نیا طوفان بھی آنے کو تیار ہے۔ ڈالر کی قیمت میں اچانک ہوشربا اضافے سے ملک میں افراط زر کی شرح میں 10 سے 12 فیصد اضافے کا امکان ہے۔

واضح رہے کہ گزشتہ روز ڈالر کی قیمت میں ملکی تاریخ کا سب سے بڑا اضافہ ہوا تھا۔

انٹر بینک میں ڈالر کی قیمت 24 روپے 54 پیسے کے اضافے سے 230.89 سے بڑھ کر 255.43 روپے ہوگئی تھی۔