پیٹرولیم مصنوعات سے متعلق اوگرا نے عوام کو خوشخبری سنادی

ویب ڈیسک

25th Jan, 2023. 02:05 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پیٹرولیم مصنوعات سے متعلق اوگرا نے عوام کو خوشخبری سنادی

آئل اینڈ گیس ریگولیٹری اتھارٹی نے پیٹرولیم مصنوعات سے متعلق عوام کو خوشخبری سنادی ہے۔

تفصیلات کے مطابق آئل اینڈ گیس ریگولیٹری اتھارٹی کے ترجمان عمران غزنوی کا کہنا ہے کہ ملک بھر میں پیٹرول اور ڈیزل کا وافر ذخیرہ موجود ہے۔

انہوں نے کہا کہ ملک میں بالترتیب 18 اور 37 دنوں کی مانگ کو پورا کرنے کے لیے پیٹرول و ڈیزل کے ذخائر دستیاب ہیں۔

یہ بھی پڑھیں: بھارت اور سری لنکا کے بعد برازیل کا بھی روس سے سستا تیل خریدنے کا اعلان

عمران غزنوی نے کہا کہ پیٹرول کے 1 لاکھ 1 ہزار میٹرک ٹن کے حامل بحری جہاز برتھ پر ہیں، مقامی ریفائنریز پیٹرولیم کی مصنوعات کی طلب کو پورا کرنے میں بھرپور کردار ادا کر رہی ہیں۔

واضح رہے کہ گزشتہ روز پیٹرولیم ڈیلرز ایسوسی ایشن کا بیان سامنے آیا تھا، جس میں ان کا کہنا تھا کہ بجلی کے بریک ڈاؤن کے باعث پیٹرول اور ڈیزل کی مانگ میں اضافہ ہوا ہے۔

انہوں نے کہا تھا کہ ملک کے مختلف شہروں میں تقریباً 50 فیصد پیٹرول پمپس پر پیٹرول اور ڈیزل ختم ہو چکا ہے۔