گیس ٹیرف میں اضافے کی تجاویز تیار

ملک سعید اعوان

11th Jan, 2023. 03:46 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

گیس ٹیرف میں اضافے کی تجاویز تیار

گیس سیکٹر کے نقصانات اور گردشی قرض سے نکلنے کے لیے وزارت پیٹرولیم نے تجاویز تیار کر لیں۔

تفصیلات کے مطابق وزارت پیٹرولیم نے گیس سیکٹر کے نقصانات اور گردشی قرض سے نکلنے کے لیے گیس ٹیرف میں اضافے کی دو تجاویز تیار کر لیں ۔

وزارت پیٹرولیم کے حکام کا کہنا ہے کہ پہلی تجویز کے مطابق موجودہ سلیب میں شامل تمام صارفین کا ٹیرف بڑھایا جائے گا۔

اس وقت گھریلو صارفین کے لیے چھ سلیب ہیں۔ 0.1 ایم ایم بی ٹی یو سے 0.4 ایم ایم بی ٹی یو تک مزید تین سیلب بنانے کی تجویز تیار کی گئی ہے۔

حکام وزارت پیٹرولیم کا کہنا ہے کہ نئے سلیب میں شامل صارفین کو موجودہ نرخ دیے جائیں گے جبکہ کمرشل صارفین اور دیگر سیکٹر کے ٹیرف میں گیس کی قیمت کے مطابق اضافہ ہوگا۔

حکام کا کہنا ہے کہ حتمی منطوری وزیر اعظم سے لی جائے گی ۔ وزیر اعظم نے گھریلو صارفین پر کم بوجھ ڈالنے کی ہدایت کر رکھی ہے۔

وزارت پیٹرولیم کے حکام کا کہنا ہے کہ ٹیرف کا فیصلہ گزشتہ چھ ماہ کے دوران استعمال شدہ گیس کی بیناد پر ہوگا۔ موجودہ سلیب ریٹس میں سے پہلے تین کا ٹیرف نہیں بڑھایا جائے گا۔