اسپیس ایکس ، ٹیسلا کے بانی اور ٹوئیٹر کے مالک ایلون مسک کو کاروبار میں بھاری  نقصان کے باعث ذاتی دولت میں کمی کا نیا عالمی ریکارڈ قائم  ہوگیا۔

گنیز ورلڈ ریکارڈ کی ایک رپورٹ کے مطابق ایلون مسک نے تاریخ میں ذاتی دولت کے سب سے بڑے نقصان کا عالمی ریکارڈ توڑ دیا ہے۔

رپورٹ میں دعویٰ کیا گیا ہے کہ فوربس کے اندازے کے مطابق ایلون مسک  کی دولت میں نومبر 2021 سے اب تک تقریباً 182  ارب ڈالر کی کمی آچکی ہےجبکہ بعض دیگر ذرائع کا کہنا ہے یہ نقصان حقیقت میں 200 ارب ڈالر کے قریب  ہے۔

مزید پڑھیں: ایلون مسک کا ایک بار پھر ٹوئٹر میں بڑی تبدیلیاں لانے کا اعلان

اگرچہ درست اعداد و شمار کا پتہ لگانا تقریباً ناممکن ہے، لیکن ایلون مسک کے مجموعی نقصانات 2000 میں جاپانی ٹیک سرمایہ کار ماسایوشی سون کے قائم کردہ 58.6 ارب ڈالر کے ریکارڈ سے کہیں زیادہ ہیں۔

فوربس سے حاصل کردہ اعداد و شمار  کے مطابق 2021 میں ایلون مسک کی مجموعی  دولت 320 ارب ڈالر تھی جو جنوری 2023 میں 138 ارب ڈالر تک گرگئی ہے جس کی بڑی وجہ ٹیسلا کے اسٹاک کی خراب کارکردگی  ہے۔

مزید پڑھیں: ایلون مسک کا ڈیڑھ ارب ٹوئیٹر اکاؤنٹس بند کرنے کا اعلان

ایلون مسک نے گزشتہ برس سماجی رابطے کی ویب سائٹ ٹوئیٹر 44 ارب ڈالرمیں خریدی تھی جس کے بعد ان کی الیکٹرک گاڑیاں بنانے والی کمپنی ٹیسلا کے شئیرز میں گراوٹ آگئی تھی۔

تاہم شیئرز میں کمی کے باوجود ٹیسلا دنیا کی سب سے بڑی کار کمپنی بنی ہوئی ہے جس کی مارکیٹ ویلیو اس کے قریبی حریف ٹویوٹا سے 100 تقریباً ارب ڈالر زیادہ ہے۔

Elon Musk has lost $182 billion of personal wealth since 2021, the highest amount of anyone in history…https://t.co/PcQY7FGB1W

Advertisement

— Guinness World Records (@GWR) January 6, 2023

خیال رہے کہ اگرچہ ایلون مسک نے دولت میں کمی کا عالمی ریکارڈ قائم کردیا ہے لیکن وہ اب بھی دنیا کے دوسرے امیر ترین شخص ہیں۔