امپورٹرز کا احتجاج رنگ لے آیا اسٹیٹ بینک نے بینکوں کو ہدایت جاری کردی۔

تفصیلات کے مطابق اسٹیٹ بینک آف پاکستان نے درآمدات کی پیشگی شرط ختم کرتے ہوئے بینکوں کو تمام درآمد کنندگان کو ون ٹائم درآمد کی سہولت فراہم  کرنے کی ہدایت کی ہے۔

اسٹیٹ بینک کا کہنا ہے کہ یہ سہولت ان درآمد کنندگان پر ہوگی جو 180 دن یا اس کے بعد ادائیگی کی شرط کو بڑھا سکتے ہیں۔مرکزی بینک نے درآمدات کی پیشگی منظوری کی شرط واپس لے لی ہے۔

مزید پڑھیں: پاکستانیوں کیلئے بڑی خوشخبری؛ اسٹیٹ بینک کا انتہائی اہم اعلان

اسٹیٹ  بینک نے بینکوں کو ہدایت کی ہے کہ خوراک، دوا سازی، توانائی درآمدات کو ترجیح دیں۔

اسٹیٹ بینک کا کہنا ہے کہ یہ سہولت ان پر بھی ہو گی جن کا مال پہلے سے ہی بندرگاہ پر پہنچ چکا ہے۔ بینکس صارفین کو کہیں کہ درآمدی لین دین سے پہلے بینکوں کو مطلع کریں تاکہ مستقبل میں کسی قسم کی پیچیدگیوں سے بچا جا سکے۔

اسٹیٹ بینک کا کہنا ہے کہ بینکوں کو برآمدی دستاویزات کلیئر کرنے کا طریقہ کار فراہم کیا ہے۔ بینکوں کو خوراک، دوائیں، توانائی وغیرہ کی درآمدات کو ترجیح دینے کی ہدایت کی ہے۔

اسٹیٹ بینک کا کہنا ہے کہ کاروباری طبقے نے بندرگاہ پر درآمدی مال پھنسنے کی نشاندہی کی تھی۔ شپنگ دستاویزات کلیئر نہ ہونے کے سبب بندرگاہ پر مال پھنسا ہوا ہے۔

مزید پڑھیں: ڈالر لائیں، انعام پائیں: اسٹیٹ بینک نے نئی پالیسی متعارف کرادی

اسٹیٹ بینک نے بینکوں کو ہدایت کی ہے کہ بیرون ملک زر مبادلہ کا انتظام کر کے ادائیگی کرنے والوں کے دستاویزات کلیئر کریں۔

اسٹیٹ بینک نے بینکوں کو 18 جنوری یا اس سے پہلے منگوایا گیا پورٹ پر پڑا سامان 31 مارچ تک کلیئر کرنے کی ہدایت  بھی کی ہے۔

اسٹیٹ بینک نے بینکوں کو ہدایت ہے کہ پورٹ پر پہنچی شپمنٹ کے دستاویزات پروسس اور کلیئر کریں۔ بینکوں کو ہدایت ہے کہ اپنے صارفین کو درآمدی سامان خریدنے سے پہلے اجازت لینے کا پابند بنائیں۔