پیٹرولیم مصنوعات کی قیمتوں سے متعلق اہم خبر آگئی ہے۔

تفصیلات کے مطابق حکومت مہنگائی سے پریشان عوام کو ریلیف فراہم کرنے کی بجائے ان سے پیٹرولیم مصنوعات پر مجموعی طور پر 192 روپے لیٹر سے زائد پیٹرولیم ڈویلپمنٹ لیوی وصول کر رہی ہے۔

  آئل مارکیٹنگ کمپنیوں اور ڈیلرز مارجن سمیت دیگر مدات میں عوام کی جیبوں سے اضافی رقوم نکالی جا رہی ہیں۔

 اسوقت حکومت پیٹرول، ہائی اوکٹین، مٹی کے تیل، ہائی سپیڈ ڈیزل، لائٹ ڈیزل آئل اور ای 10 پیٹرول پر مجموعی طور پر 192 روپے سے 15 پیسے لیٹر پی ڈی ایل وصول کر رہی ہے۔

پیٹرول اور ہائی اوکٹین پر اس وقت پی ڈی ایل کی شرح سب سے زیادہ ہے اور ان دونوں مصنوعات پر 50 روپے لیٹر کے حساب سے پی ڈی ایل وصول کی جا رہی ہے۔

 ہائی سپیڈ ڈیزل پر 40 روپے لیٹر، لائٹ ڈیزل آئل پر 27.25 روپے اور ای 10 پیٹرول پر 24.58 روپے لیٹر پی ڈی ایل عائد ہے، مٹی کے تیل پر پی ڈی ایل کی 32 پیسہ فی لیٹر کی شرح سب سے کم ہے۔

 حکومت فنانس بل کے تحت پیٹرولیم مصنوعات  پر 50 روپے لیٹر سے زائد پی ڈی ایل وصول نہیں کرسکتی تاہم ابھی پیٹرولیم مصںوعات پر جنرل سیلز ٹیکس کے نفاذ کی گنجائش موجود ہے جبکہ حکومت پہلے ہی جی ایس ٹی کی شرح 17 سے بڑھا کر 18 فیصد کرنے کا اعلان کر چکی ہے۔

 ہائی سپیڈ ڈیزل پر اسوقت 40 روپے لیٹر کے حساب سے پی ڈی ایل عائد ہے جس میں یکم مارچ کو 5 روپے اور 15 مارچ کو مزید 5 روپے اضافہ کا امکان ہے۔