وفاقی ادارہ شماریات کے اعداد وشمار کے مطابق ملک میں ہفتہ وار مہنگائی کی شرح میں مزید اضافہ ہوگیا۔

مہنگائی سے متعلق ہفتہ وار رپورٹ میں کہا گیا ہے کہ ملک میں ہفتہ وار بنیاد پر مہنگائی کی شرح میں 3 اعشاریہ 73 فیصد جبکہ سالانہ بنیادوں پر مہنگائی 29.21 فیصد تک بڑھ گئی۔

رپورٹ کے مطابق حالیہ ہفتے کے دوران آلو، پیاز، ٹماٹر، انڈے سمیت 20 اشیاء کی قیمتوں میں اضافہ ہوا جبکہ 7 اشیاء کی قیمتوں میں کمی اور 24 اشیاء کی قیمتوں میں استحکام رہا۔

رپورٹ میں کہا گیا ہے کہ ایک ہفتے کے دوران ٹماٹر 19 روپے، انڈے 13 روپے درجن، آلو، پیاز 2،2 روپے فی کلو، لہسن 11 روپے اور زندہ مرغی 7 روپے فی کلو مہنگی ہوئی۔

ادارہ شماریات کا کہنا ہے کہ دال ماش، دال مسور 1،1 روپے کلو، اور ایل پی جی گھریلو سلنڈر 103 روپے مہنگا ہوا۔

رپورٹ میں مزید بتایا گیا کہ ایک ہفتے میں کیلئے 7 روپے درجن، چینی 2 روپے کلو، 2.5 کلو گھی کا ڈبہ 14 روپے، 5 کلو کوکنگ آئل کا ڈبہ 38 روپے اور 20 کلو آٹے کا تھیلا 5 روپے سستا ہوا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں