بجلی کا شارٹ فال 6 ہزار 705 میگاواٹ تک پہنچ گیا

ملک سعید اعوان

06th Jul, 2023. 11:49 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بجلی کا شارٹ فال 6 ہزار 705 میگاواٹ تک پہنچ گیا

گرمی بڑھتے ہی ملک میں بجلی کی طلب میں بھی اضافہ ہوگیا۔ ملک بھر کے مختلف علاقوں میں 14 گھنٹے تک لوڈ شیڈنگ شروع ہوگئی۔

نیشنل پاور کنٹرول سینٹر کے مطابق ملک بھر میں اس وقت بجلی کا شارٹ فال 6 ہزار 705 میگاواٹ ہے اور مجموعی طور پر 20 ہزار 795 میگاواٹ پیداوار کی جارہی ہے۔

پاور ڈویژن کے ذرائع نے بتایا کہ ملک میں بجلی کی طلب 27 ہزار 500 میگاواٹ ہے۔ پن بجلی ذرائع سے 7 ہزار 349 میگاواٹ بجلی پیدا ہورہی ہے۔

یہ بھی پڑھیں: ملک بھر کے بجلی صارفین کیلئے بری خبر

ذرائع کا کہنا ہے کہ سرکاری تھرمل پاور پلانٹس سے 639 میگاواٹ جبکہ نجی شعبے کے بجلی گھروں کی پیداوار 9048 میگاواٹ ہے۔

اس کے علاوہ ونڈ پاور پلانٹس سے بجلی کی پیداوار 534 میگاواٹ اور سولر بجلی گھروں کی پیداوار 123 ہے۔

مزید پڑھیں: لاہور میں بارش کا 30 سالہ ریکارڈ ٹوٹ گیا، بجلی کا نظام درہم برہم، 7 افراد جاں بحق

ذرائع پاور ڈویژن کے مطابق بگاس سے 115 میگاواٹ بجلی پیدا کی جا رہی ہے جبکہ نیوکلیئر پاور پلانٹس کی پیداوار 2 ہزار 988 میگاواٹ ہے۔

واضح رہے کہ ملک بھر میں 14 گھنٹے تک لوڈ شیڈنگ کی جا رہی ہے اور بعض علاقوں میں فنی خرابیوں کے باعث غیر اعلانیہ لوڈ شیڈنگ ہو رہی ہے جبکہ ہائی لاسز اور بجلی چوری کے علاقوں میں سب سے زیادہ بجلی کی لوڈ شیڈنگ کی جا رہی ہے۔