برطانوی کار ساز کمپنی رولز رائس کی تیار کردہ ‘لا روز نوئر ڈراپٹیل’ کار دنیا کی مہنگی ترین کار بن گئی ہے۔

دو دروازوں والی دو نشستوں والی کار 1930 کی دہائی کی سپر اسپیڈ لگژری بوٹس سے متاثر ہے۔

اگرچہ کمپنی نے اس کی صحیح قیمت نہیں بتائی ہے لیکن اس کی قیمت کا تخمینہ 30 ملین امریکی ڈالر سے زیادہ ہے جس کا مطلب پاکستانی کرنسی میں تقریباً 9 ارب روپے ہے۔

کمپنی اس کار کے صرف چار یونٹ بنائے گی اور ہر یونٹ خریدار کی ڈیزائن کی ضروریات کے مطابق بنایا جائے گا۔ یہ کار پانچ سالوں میں بنائی گئی ہے اور اس کا 6.7 لیٹر v12 انجن 593 ہارس پاور فراہم کرتا ہے۔

اس کار میں سرخ اور سیاہ رنگ کا امتزاج ہے اور اس کا اندرونی حصہ گلاب کی پنکھڑیوں جیسا لگتا ہے۔ کمپنی نے اس کار کے پہلے خریداروں کے نام ظاہر نہیں کیے ہیں لیکن کہا جا رہا ہے کہ وہ انتہائی امیر جوڑے ہیں۔

اس کار کو کیلیفورنیا میں مونٹیری کار ویک میں لانچ کیا گیا تھا اور کمپنی کا کہنا تھا کہ یہ یونٹ خریدار کی ضروریات کو مدنظر رکھتے ہوئے ڈیزائن کیا گیا ہے۔

Today, we are proud to present Rolls-Royce Droptail: the third chapter in our remarkable Coachbuild story.

Discover the first commission – Rolls-Royce La Rose Noire Droptail: https://t.co/4QcZJPUg0K#RollsRoyceDroptail #RollsRoyceCoachbuild #BespokeIsRollsRoyce pic.twitter.com/LlfMrqRyTM

— Rolls-Royce Motor Cars (@rollsroycecars) August 20, 2023

یہ کار پانچ سیکنڈ میں 0 سے 62 کلومیٹر کی رفتار پکڑ سکتی ہے اور اس کی زیادہ سے زیادہ رفتار 155 کلومیٹر فی گھنٹہ ہے۔

اس سے قبل اسی کار ساز کمپنی کی بوٹ ٹیل کار دنیا کی سب سے مہنگی کار تھی اور اسے مئی 2021 میں لانچ کیا گیا تھا۔ اس وقت اس کی قیمت 28 ملین امریکی ڈالر سے زیادہ تھی۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں