گزشتہ مالی سال پاکستان کی خطے کے مختلف ممالک سے تجارت کی تفصیلات بول نیوز نے حاصل کر لی ہیں۔

بول نیوز کو موصول ہوئی دستاویز میں بتایا گیا ہے کہ  گزشتہ مالی سال پاکستان کا یورپی یونین کے ساتھ تجارتی حجم 14.2 ارب ڈالر رہا جبکہ پاکستان کی براعظم امریکہ میں برآمدات 6.04 ارب ڈالر رہیں۔

دستاویز کے مطابق سالانہ بنیادوں پر پاکستانی برآمدات میں 2.3 ارب ڈالر کا اضافہ ہوا جبکہ گزشتہ مالی سال افریقی ممالک کے ساتھ پاکستان کا تجارتی حجم 4.44 ارب ڈالر رہا اور پاکستان کی افریقہ میں برآمدات 1.55 ارب ڈالر اور درآمدات 2.89 ارب ڈالر رہیں۔

اس کے علاوہ خلیجی ممالک کے ساتھ پاکستان کا تجارتی حجم 19 ارب 62 کروڑ 6 لاکھ ڈالر رہا، تاہم سالانہ بنیادوں پر پاکستانی کی مشرقی وسطیٰ میں برآمدات 3.2 فیصد بڑھیں جبکہ مشرق وسطی سے درآمدات میں 24 فیصد کی کمی ہوئی۔

دستاویز میں کہا گیا کہ گزشتہ مالی سال پاکستان کی افغانستان کے ساتھ 18 کروڑ 64 لاکھ ڈالر کی تجارت ریکارڈ کی گئی جبکہ ایران کے ساتھ پاکستان کا تجارتی حجم 8 کروڑ 80 لاکھ  ڈالر رہا۔

دستاویز میں مزید بتایا گیا ہے کہ گزشتہ مالی سال وسطی ایشیائی ریاستوں کے ساتھ پاکستان کا تجارتی حجم 3 کروڑ 45 لاکھ ڈالر رہا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں۔