پاکستان کی جانب سے ایران گیس پائپ لائن کی تکمیل میں تاخیر کے معاملے پر وزارت پیٹرولیم نے تحریر جواب قومی اسمبلی سیکرٹریٹ میں جمع کرادیا ہے۔

وزارت پیٹرولیم کی جانب سے قومی اسمبلی سیکرٹریٹ میں جمع کرائے گئے تحریر جواب میں کہا گیا کہ ایران پر بین الاقوامی پابندیوں کے باعث منصوبہ تاخیر کا شکار ہے۔

تحریر جواب میں بتایا گیا کہ پاک ایران منصوبہ تب شروع ہوگا جب ایران پر پابندیاں ختم ہوں گی، ایران پاکستان گیس پائپ لائن منصوبہ کی تکمیل کی کوئی حتمی تاریخ نہیں دی جاسکتی۔

وزارت پیٹرولیم نے کہا کہ پاکستان نے ایران کو فورس میجور اینڈ ایکسکیوزنگ ایونٹ نوٹس بھیجا ہے، نوٹس کے تحت پاکستان کی ذمہ داریاں معطل ہوجاتی ہیں، ایران فورس میجور اینڈ ایکسکیوزنگ ایونٹ نوٹس کی حیثیت کو تسلیم نہیں کرتا۔

تحریر جواب کے مطابق ایران پاکستان گیس پائپ لائن کا معاملہ ثالثی کے ذریعے حل ہوگا، جرمانے کی اصل رقم ثالثی کے فیصلے سے مشروط ہے۔

وزارت پیٹرولیم نے اپنے تحریر جواب میں کہا کہ پیٹرولیم ڈویژن اس بات سے علم ہے کہ ایران پر عائد پابندیوں کے باوجود تجارت ہورہی ہے، حکومت پاکستان ایران پر امریکا کی جانب سے عائد پابندیوں کی وجہ سے کام کے آغاز سے ناکام رہی ہے۔

تحریر جواب میں مزید کہا گیا کہ منصوبے کے لئے استثنی کے لئے حکومت پاکستان امریکی حکام کے ساتھ سفارتی ذرائع سے رابطے میں ہے، گیس پائپ لائن جلد از جلد تعمیر کے لئے تمام ضروری اقدامات کیے جارہے ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں