اسلام آباد: مالی سال 2022/23 کے دوران پاکستان کی ایگرو فوڈ برآمدات میں 4.83 فیصد کی کمی ہوئی ہے۔

دستاویز کے مطابق گزشتہ سال ملک کی مجموعی زرعی خوراک کی برآمدات 5 ارب 16 کروڑ 1 لاکھ ڈالر رہیں جبکہ مالی سال 2021/22 میں پاکستان کی زرعی خوراک برآمدات 5 ارب 42 کروڑ 3 لاکھ ڈالر تھیں۔

دستاویز میں بتایا گیا کہ گزشتہ مالی سال پاکستان سے 2 ارب 21 کروڑ 7 لاکھ ڈالر کا چاول برآمد ہوا اور 27 کروڑ 4 لاکھ ڈالر کے پھل برآمد کیے گئے۔

اس کے علاوہ مالی سال 2022/23 کے دوران 27 کروڑ 1 لاکھ ڈالر کی مخلتف سبزیاں برآمد کی گئیں اور گزشتہ مالی سال 22 کروڑ ڈالر کی چینی اور میٹھی سوغات برآمد کی گئیں۔

دستاویز کے مطابق مصالحے، تیل کے بیج، میوے اور دانوں کی برآمدات 11 کروڑ 3 لاکھ ڈالر کی رہیں جبکہ گزشتہ مالی سال پاکستان سے تمباکو کی برآمدات 8 کروڑ 4 لاکھ ڈالر رہیں۔

دستاویز میں مزید بتایا گیا کہ گزشتہ مالی سال پاکستان سے 46 کروڑ 5 لاکھ ڈالر کی مچھلی برآمد ہوئی جبکہ مالی سال 2022/23 میں پاکستان سے 44 کروڑ کا گوشت برآمد کیا گیا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں