اسلام آباد: بجلی کے واجبات کی عدم ادائیگی پر عالمی مالیاتی ادارے (آئی ایم ایف) کی جانب سے تشویش کا اظہار کیا گیا ہے۔

ذرائع کے مطابق آئی ایم ایف نے نگران حکومت کو سرکلر ڈیٹ مینجمنٹ پلان پر سختی سے عمل درآمد کرنے پر مجبور کردیا اور نگران حکومت کو بجلی کے بلوں میں بڑے ریلیف سے روک دیا۔

عالمی مالیاتی ادارے نے اپنے موقف میں کہا ہے کہ بجلی بلوں میں ریلیف دیا تو سرکلر ڈیٹ کم نہیں ہوگا۔

 آئی ایم ایف نے بجلی کے 200 یونٹس تک والے صارفین کے لیے بجلی کے ریٹ میں ریلیف سے منع کردیا اور کہا کہ بجلی کے 200 یونٹس تک ریلیف کو صرف بلوں کی ادائیگی موخر کرنے کا وقتی ریلیف ملے گا۔

ذرائع نے بتایا کہ بجلی کے 200 یونٹس تک بلوں کی ادائیگی موخر ہونے پر 10 فیصد سرچارج عائد نہیں ہوگا، کم از کم چھ ماہ تک 200 یونٹس سے کم استعمال کرنے والوں کو ریلیف ملے گا۔

ذرائع کا مزید کہنا ہے کہ اگر 6 ماہ میں ایک بار بھی 200 یونٹس سے زیادہ کا بل آیا تو ریلیف نہیں ملے گا، تاہم بجلی کے 200 یونٹس سے زائد والے تمام طرح کے ریلیف سے محروم ہوگئے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں